စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံး၊ မှော်ဘီမြို့နယ်ခွဲရုံးမှ ဒေါ်ဖြူဖြူမြင့်၊ ဒုကြီးကြပ်ရေးမှူးသည် (၁၀.၂.၂၀၂၅)ရက်နေ့ နေ့လည် (၁၃:၅၀)အချိန်တွင် မြို့မဈေးအတွင်းရှိ ကုန်မျိုးစုံဆိုင်များတွင် ဆပ်ပြာမှုန့်အမျိုးမျိုးအား ကုန်အညွှန်းအမှတ်အသားပြည်စုံစွာပါဝင်မှု ရှိ/မရှိ စစ်ဆေးခြင်းခဲ့ပါသည်။
ထိုသို့စစ်ဆေးခဲ့ရာတွင် ဈေးတာဝန်ခံ ပူးပေါင်းပါဝင်လျက် ကုန်မျိုးစုံဆိုင်များဖြစ်သော ဦးကျော်ကျော်ထူး၊ ဦးခင်ဝင်း၊ ဒေါ်မိမိခိုင်၊ ဒေါ်ခိုင်စိမ့်စိမ့်ဖြိုးဆိုင်များတွင် ဆပ်ပြာမှုန့် အမျိုးအစား (၄)မျိုးကိုရောင်းချလျက်ရှိပြီး ဆပ်ပြာမှုန့်အားလုံးတို့တွင် စားသုံးသူကာကွယ်ရေးဥပဒေတွင် ပြဌာန်း ထားသည့် ကုန်အညွှန်းအမှတ်အသားဖော်ပြခြင်းဆိုင်ရာအချက်များနှင့် ကိုက်ညီမှုရှိ/ မရှိကို စစ်ဆေးရာ ကုန်အညွှန်းအမှတ်အသားပြည့်စုံစွာဖော်ပြထားသည်ကို တွေ့ရှိရပြီး ဆိုင်ရှင်များအနေဖြင့်လည်း ကုန်အညွှန်းအမှတ်အသားကိုက်ညီမှုရှိသော ကုန်စည်များကိုသာ စားသုံးသူပြည်သူများလက်ဝယ် အရောက်ဘေးကင်းလုံခြုံစွာ ဖြန့်ဖြူးရောင်းချရမည်ဖြစ်ပြီး စီးပွားရေးလုပ်ငန်းရှင် လိုက်နာရမည့် အချက်များကိုလည်း လိုက်နာဆောင်ရွက်သွားရန် အသိပညာပေးပြောကြားခဲ့ကြောင်း သိရှိရပါသည်။
DOCA(ရန်ကုန်)