စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ ဒုတိယခရိုင်ဦးစီးမှူး ဦးမင်းဇော်နှင့် လက်ထောက်ကြီးကြပ်ရေးမှူး ဦးဇော်မိုးအောင်တို့သည် အစားအသောက်နှင့်ဆေးဝါးကွပ်ကဲရေး ဦးစီးဌာနသည် ရေတာရှည်မြို့၊ ဆွာမြို့တွင် ဈေးကွက်စောင့် ကြည့်စစ်ဆေးခြင်း ဆောင်ရွက်ရာ၌ ပူးပေါင်းပါဝင်ဆောင်ရွက်ပေးနိုင်ပါရန် ညှိနှိုင်းချက်အရ (၁၄.၂.၂၀၂၅) ရက်နေ့ နံနက်ပိုင်းက ဈေးကွက်စောင့်ကြည့်စစ်ဆေးခြင်းကို ပူးပေါင်းအဖွဲ့ဝင်များနှင့်အတူ ဆောင်ရွက်ခဲ့ပါသည်။
ပူးပေါင်းအဖွဲ့သည် ဆွာဈေးနှင့် ဈေးပြင်ပကုန်စုံဆိုင်ကြီးများတွင် ရောင်းချလျှက်ရှိသော အစားအသောက်များနှင့် အလှကုန်ပစ္စည်းများတွင် တားမြစ်ဓါတုဆေးဝါးများ ပါဝင်မှုရှိ/မရှိနှင့် ရက်လွန်/မလွန်ကိုလည်းကောင်း၊ ဆေးဆိုင်များ၌ ရောင်းချလျှက်ရှိသော ဆေးဝါးများတွင် ရက်လွန်/ မလွန်နှင့် တရားမဝင်ဆေးဝါးများ ရောင်းချမှုရှိ/မရှိကိုလည်းကောင်း ကွင်းဆင်း စောင့်ကြည့် စစ်ဆေးခဲ့ပါသည်။
ပူးပေါင်းအဖွဲ့တွင် အစားအသောက်နှင့် ဆေးဝါးကွပ်ကဲရေးဦးစီးဌာန၊ တောင်ငူခရိုင် ဦးစီးမှူးရုံးမှ ဒု-ကြီးကြပ်ရေးမှူး ဒေါ်သူသူဟန်၊ ပြည်သူ့ကျန်းမာရေးဦးစီးဌာန ဆွာတိုက်နယ်ဆေးရုံ မှ ဒေါက်တာပွင့်ဦးဇွန်ဝေလှိုင်နှင့် မြို့နယ်စည်ပင်သာယာရေးအဖွဲ့မှ ဆွာဈေးတာန်ခံ ဦးဗညားထွန်း တို့ဦးဆောင်သော ဝန်ထမ်းများ ပူးပေါင်းပါဝင်ဆောင်ရွက်ကြောင်း သိရပါသည်။
DOCA(ပဲခူး)