စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ညောင်ဦးခရိုင် ဦးစီးမှူးရုံးတွင် (၁၁.၂.၂၀၂၅)ရက်နေ့ နေ့လည် (၁၄:၃၀) နာရီအချိန်၌ ခရိုင်ဦးစီးမှူး ဦးသန်းစိုးက MSME လုပ်ငန်းရှင်များအား ကုန်အညွှန်းအမှတ်အသားပြည့်စုံစွာ ပါရှိရေးနှင့် Oline Shooping ရောင်းဝယ်မှုများနှင့် ပတ်သက်၍ တွေ့ဆုံဆွေးနွေးမှု ပြုလုပ်ခဲ့ကြောင်း သိရသည်။
အဆိုပါဆွေးနွေးမှုတွင် ခရိုင်ဦးစီးမှူး ဦးသန်းစိုးက မိမိတို့ ထုတ်လုပ်သော ကုန်စည်များကို သက်ဆိုင်ရာဌာန ထောက်ခံချက်များ ပါရှိရေး/ ရရှိရေး ဆောင်ရွက်ရန်၊ စားသုံးသူကာကွယ်ရေး ဥပဒေပါ ကုန်စည်များတွင် ကုန်အညွှန်းအမှတ်အသားများ မြန်မာဘာသာဖြင့် ပြည့်စုံစွာ ပါရှိရေး ဆောင်ရွက်ရန်၊ လိုအပ်ပါက ကူညီဆောင်ရွက်ပေးမည်ဖြစ်ကြောင်း၊ နိုင်ငံတော်မှ သတ်မှတ်ရည်ညွှန်း ဈေးဖြင့် ထုတ်ပေးသော စက်မှုလုပ်ငန်းသုံးဆီများကိုလည်း အမှန်တကယ်အသုံးပြုဆောင်ရွက်ရန်၊ Online Shopping ရောင်းဝယ်မှုများနှင့် ပတ်သက်၍ မှတ်ပုံတင်ဆောင်ရွက်ရန်၊ Online မှ ဈေးဝယ်ယူခြင်း၏ အားသာချက်နှင့် အားနည်းချက်များ၊ လိမ်လည်မှု ပုံစံများ၊ အွန်လိုင်းစနစ်ဖြင့် ရောင်းချခြင်းလုပ်ငန်းများနှင့် စပ်လျဉ်း၍ စိစစ်သင့်သည့် အချက်များ၊ သက်ဆိုင်ရာဌာနများ၏ ဆောင်ရွက်မှု၊ တိုင်ကြားနိုင်သည့်နေရာများ၊ တိုင်ကြားမှု ဖြေရှင်းသည့် နည်းလမ်းများ၊ မှတ်ပုံတင် ထားသည့် အွန်လိုင်းရောင်းချမှုလုပ်ငန်းများမှ ဈေးဝယ်ယူခြင်းဖြင့် ရရှိလာမည့် အကျိုးများကိုလည်း အသေးစိတ် ရှင်းလင်းဆွေးနွေးခဲ့ကြောင်း သိရသည်။
DOCA(မန္တလေး)