စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် “ပြည်တွင်း ကုန်သွယ်မှုဖွံဖြိုးတိုးတက်စေရန်” ဆိုသည့် မျှော်မှန်းချက်နဲ့အညီ အကောင်အထည်ဖော် ဆောင်ရွက်လျက်ရှိရာ စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ် စားသုံးသူ ရေးရာ ဦးစီးဌာန၊ မြို့နယ်တာဝန်ခံသည် ၂၀၂၅ ခုနှစ် ၊ မတ်လ(၁၇)ရက်နေ့၊ နံနက်(၀၉;၃၀)အချိန်တွင် စစ်ကိုင်းတိုင်းဒေသကြီး၊ ကန့်ဘလူခရိုင် ၊ ကျွန်းလှမြို့၊ ပျဉ်းမမြိုင်ရပ်ကွက်ရှိ “ကျွန်းလှ” မြေပဲဆီသန့်လုပ်ငန်းရှင်နှင့် သွားရောက်တွေ့ဆုံဆွေးနွေး အသိပညာ ပေးခြင်း ဆောင်ရွက်ခဲ့ပါသည်။
ထိုသို့တွေ့ဆုံဆွေးနွေးရာတွင် စားသုံးသူရေးရာဦးစီးဌာန၊ ကျွန်းလှမြို့နယ်တာဝန်ခံက ဆီများထုတ်လုပ် ရောင်းချခြင်းနှင့် ပတ်သက်၍ စားသုံးသူအကာအကွယ်ပေးရေး ဥပဒေ (၂၀၁၉)၊ အခန်း (၁၅) ပုဒ်မ(၂၈) အရ ကုန်စည်(သို့မဟုတ်)ဝန်ဆောင်မှုများ လုံခြုံစိတ်ချရမှုရှိစေရေး နှင့် စားသုံးသူပြည်သူများ ဘေးအန္တရာယ် ကင်းရှင်းစေရေးတို့အတွက် “ကျွန်းလှ”မြေပဲဆီသန့် ရောင်းဝယ်ရေးလုပ်ငန်းမှ ထုတ်လုပ်ရောင်းချရာတွင်လည်း ကုန်အညွှန်းအမှတ်အသားများ ပြည့်စုံမှန်ကန်စွာ ထည့်သွင်းဖေါ်ပြရန်အတွက် မိမိတို့ စာသုံးသူရေးရာဦးစီး ဌာနမှ ဆောင်ရွက် ပေးလျက်ရှိပါကြောင်း၊ “ကျွန်းလှ”မြေပဲဆီသန့်ရောင်းဝယ်ရေး လုပ်ငန်းရှင်မှ စားသုံးသူ ပြည် သူများအတွက် ဈေးနှုန်းမှန်ကန်ပြီး အရည်အသွေးစစ်မှန်ပြည့်ဝသော မြေပဲဆီစစ်စစ်များကို ရောင်းချနိုင်ရေး ကြိုးစား ဆောင်ရွက်လျက်ရှိကြောင်း ပြောကြားခဲ့ပြီး ကုန်အညွှန်း အမှတ်အသား လျှောက်ထား ဆောင်ရွက်လို ကြောင်းပြောကြားခဲ့ပြီးနောက် စားသုံးသူ ရေးရာဦးစီးဌာန၊ ကျွန်းလှမြို့နယ်တာဝန်ခံမှ ဆက်လက်ပြီး “ကျွန်းလှ”မြေပဲဆီသန့်ထုတ်လုပ်ရောင်းချနေသော လုပ်ငန်းရှင်သို့ မြေပဲဆီသန့်ဘူးများကို မိမိတို့ကိုယ်ပိုင် အမှတ်တံဆိပ်ကပ်နှိပ်၍ မြို့များသို့ ပို့ဆောင်ရောင်းချရန်အတွက် ကုန်အညွှန်းအမှတ်အသား လျှောက်ထား ဆောင်ရွက်သည့်မှာ အဆင်ပြေကောင်းမွန်ပါကြောင်း ၊ မိမိတို့ရောင်းချသော မြေပဲဆီသန့်ဘူးများကို အာမခံ ချက်အပြည့် ဈေးကွက်အတွင်း ထိုးဖောက်ဝင်ရောက်ရောင်းချရန် အဆင်ပြေကြောင်း ပြောကြားပြီး ကုန် အညွှန်းအမှတ်အသား လျှောက်ထားဆောင်ရွက်ရန် လိုအပ်သည်များ ကူညီ ဆောင်ရွက်ပေးခဲ့ ကြောင်း သတင်း ရရှိပါသည်။
ထို့နောက် စီးပွားရေးလုပ်ငန်းရှင်များသို့ Online စနစ်ဖြင့် ရောင်းချနေခြင်းရှိပါက Online မှတ်ပုံတင် ခြင်းလုပ်ငန်းများ လုပ်ဆောင်ရမည်ဖြစ်ကြောင်း၊ Online Sales မှတ်ပုံတင်ခြင်းဆိုင်ရာ လုပ်ငန်းများ လုပ်ကိုင် ရန်အတွက် အမိန့်ကြော်ငြာစာအမှတ် ၅၀/၂၀၂၃ ကို ၂၀၂၃ ခုနှစ်၊ ဇူလိုင်လ(၂၁)ရက်နေ့တွင် ထုတ်ပြန် ထားပြီး အမိန့်ကြော်ငြာစာ ထုတ်ပြန်ပြီး(၆) လပြည့် မြောက်သည့်နေ့မှစ၍ မှတ်ပုံတင်အသက်ဝင်လာပြီး မှတ်ပုံတင် မရှိဘဲ Online Sales ရောင်းချပါက အရေးကြီးကုန်စည်နှင့်ဝန်ဆောင်မှု ဥပဒေ ပုဒ်မ(၅)အရ အရေးယူ ခံရမည်ဖြစ်ကြောင်း၊ မှတ်ပုံတင်ခြင်းလုပ်ငန်းကို ၂၀၂၃ ခုနှစ်၊ အောက်တိုဘာလ(၂)ရက်နေ့တွင် စတင် အသုံးပြု ခဲ့တာဖြစ်ကြောင်း၊ မှတ်ပုံတင်ရာမှာ ပူးတွဲတင်ပြရမည့်အချက်များအကြောင်း နှင့် မှတ်ပုံတင် မည့်သူများ သိရှိလိုက်နာရမည့် စည်းကမ်းချက်များအကြောင်းကို အကျယ်တဝင့်ရှင်းလင်း ပြောကြားခဲ့ပြီး အမိန့်ကြော်ငြာ စာအမှတ် (၂/၂၀၁၉)ပါ ကုန်အညွှန်းအမှတ်အသား အသေးစိတ်စိစစ်ချက်များပါရှိသည့် လက်ကမ်းစာစောင် များ ဖြင့်ဝေပေးခဲ့ကြောင်း သတင်း ရရှိပါသည်။
DOCA(စစ်ကိုင်း)