မွန်ပြည်နယ်၊ ပေါင်မြို့နယ်ရှိ ကျေးရွာအချို့တွင် ဆောင်းသီးနှံ စိုက်ပျိုးရာသီ၌ ဒေသခံ တောင်သူများ တစ်နိုင်တစ်ပိုင်စိုက်ပျိုးထားသည့် ဖူးစားပြောင်းစိုက်ခင်းများ အောင်မြင်ဖြစ် ထွန်းပြီး ဈေးကောင်းရရှိကာ တောင်သူများ အဆင်ပြေလျှက်ရှိသည်။
ပေါင်မြို့နယ်၌ တောင်သူအများစုက မိုးစပါးရိတ်သိမ်းပြီးချိန်တွင် ဟင်းသီးဟင်းရွက် စိုက်ပျိုးရေးလုပ်ငန်းများကို အားထားလုပ်ကိုင်ကြပြီး ဆောင်းသီးနှံများအနေဖြင့် ဖူးစားပြောင်း ခရမ်းချဉ်၊ ပန်းဂေါ်ဖီ၊ မုန်လာဥဖြူ၊ ခရမ်းသီး၊ ရွှေဖရုံသီး၊ ကျောက်ဖရုံသီး စသည့် သီးနှံများကို စိုက်ပျိုးကြသည်။
ပေါင်မြို့နယ်၌ ဒေသခံတောင်သူများအား သီးနှံဝင်ငွေတိုးပွားစေရေးအတွက် ရိုးရိုး သကြားပြောင်းဖူးများနှင့် ကောက်ညှင်းပြောင်းဖူးများကို အများဆုံးစိုက်ပျိုးကြကြောင်းနှင့် ထွက်ရှိသည့် ပြောင်းဖူးများကို မြို့ပေါ်ရပ်ကွက်ဈေးများနှင့် မော်လမြိုင်မြို့ရှိ ကုန်စိမ်းရောင်းချ သည့်ဈေးများ၌ ရောင်းချလျက်ရှိကြောင်း သိရသည်။
DOCA(မွန်)