မွန်ပြည်နယ်၊ ဘီးလင်းမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနသည် မြို့နယ်အမျိုးသမီးရေးရာအဖွဲ့နှင့် မြို့နယ်မိခင်နှင့် ကလေးစောင့်ရှောက်ရေးအသင်းတို့ ပူးပေါင်း၍ လူသားမျိုးနွယ်ကိုယ်စားပြု ဒြပ်မဲ့ယဥ်ကျးမှုအမွေအနှစ်စာရင်းတွင် မြန်မာ့သနပ်ခါး ပါဝင်နိုင်ရေး လှုပ်ရှားဆောင်ရွက်မှုအခမ်းအနားကို ၁၁.၃.၂၀၂၅ ရက်နေ့ မွန်းလွဲပိုင်းက မြို့နယ်လူထုအခြေပြုဗဟိုဌာန Community Centre ခန်းမတွင် ကျင်းပပြုလုပ်ခဲ့သည်။
ရှေးဦးစွာ မြို့နယ်အမျိုးသမီးရေးရာအဖွဲ့ အတွင်းရေးမှူး ဒေါ်သန္တာစိုးက မြန်မာ့ သနပ်ခါးယဉ်ကျေးမှုအမွေအနှစ်အဖြစ် ထင်ရှားလာအောင် ပြုလုပ်ရခြင်း ရည်ရွယ်ချက်အား ရှင်းလင်းပြောကြားပြီး မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်အေးမျိုးမျိုးစံက မြန်မာ့သနပ်ခါးဓလေ့၏ သမိုင်းကြောင်း၊ သနပ်ခါး၏အသုံးဝင်မှု၊ အသုံးပြုပုံနှင့်အရေးပါမှု၊ သနပ်ခါးကို အလှအတွက်သာမက မြန်မာ့ရိုးရာတိုင်းရင်းဆေး အတွက်ပါ အသုံးပြုကြပုံ၊ မြန်မာ့သနပ်ခါးကို မြန်မာအမျိုးသမီးများသာမက အမျိုးသား များလည်း လိမ်းခြယ်ကြသည်ကိုတွေ့ရှိရပါကြောင်းနှင့် မြန်မာ့သနပ်ခါး ရိုးရာယဥ်ကျေးမှုကို ထိန်းသိမ်းသင့်ပါကြောင်း ပြောကြားခဲ့သည်။
ထို့နောက် တက်ရောက်လာသူများက မြန်မာ့သနပ်ခါးယဉ်ကျေးမှုဓလေ့ လှုပ်ရှား ဆောင်ရွက်မှုအဖြစ် တစ်ဦးနှင့်တစ်ဦး ကိုယ်တိုင်သနပ်ခါးသွေး၍ ပျော်ရွှင်စွာလိမ်းခြယ် ခဲ့ကြကြောင်း သိရသည်။
DOCA(မွန်)