ကချင်ပြည်နယ်၊ ဗန်းမော်ခရိုင် ပြောင်းလုပ်ငန်းရှင်များအသင်း ညှိနှိုင်းအစည်းအဝေးကို ၁၃.၆.၂၀၂၂ ရက်နေ့(၁၃:၀၀)အချိန်တွင် ဗန်းမော်ခရိုင်ပြောင်းလုပ်ငန်းအသင်းရုံး၌ ပြုလုပ်ခဲ့ပါသည်။ အဆိုပါ အစည်းအဝေးတွင် စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူး ဦးအောင်ကျော်ဦးမှတက်ရောက်၍ အဖွင့်အမှာစကားပြောကြားခဲ့ပြီး ပြောင်းလုပ်ငန်းအသင်းဝင် ဒေါ်ပုံ့ပုံ့ မှ တရုတ်ပြည်သူ့သမ္မနိုင်ငံသို့ ပြောင်းဆံများ တင်ပို့နိုင်ရေးအတွက် တရားဝင်မှတ်ပုံတင်လုပ်ငန်းစဉ်များ ညှိနှိုင်းဆွေးနွေးတင်ပြခဲ့ပြီး ပြောင်းလုပ်ငန်းရှင်များ အထောက်အကူဖြစ်စေရန် ရိုးမဘဏ်မှချေးငွေရယူနိုင်ရေးဆွေးနွေးခြင်း၊ ပြောင်းလုပ်ငန်းရှင်အသင်း အတွင်းရေးမှူးမှ ပြောင်းစိုက်တောင်သူများနစ်နာမှုမရှိစေရေးအတွက် အသင်းမှနေ့စဉ်ပေါက်ဈေးနှုန်း သတ်မှတ်ပြီး အသင်းမှချမှတ်ထားသည့်ဈေးနှုန်းအတိုင်း အသင်းဝင်များနှင့်ကုန်သည်များ ရောင်းဝယ်မှု ပြုလုပ်ရန်ပြောကြားခဲ့ပြီး နေ့စဉ်ဖြစ်ပေါ်နေသည့် ပြောင်းဈေးနှုန်းများကို အသင်းမှတာဝန်ယူကြီးကြပ် ၍ လူမှုကွန်ယက်ပေါ်တွင်အချိန်နှင့်တစ်ပြေးညီ နေ့စဉ်ထုတ်ပြန်သွားမည်ဖြစ်ကြောင်း ဆွေးနွေး ပြောကြားခဲ့ပါသည်။ ထို့နောက် ခရိုင်ဦးစီးမှူး ဦးအောင်ကျော်ဦးမှလည်း အသင်းအဖွဲ့အနေဖြင့် အကူအညီများလိုအပ်ပါက စားသုံးသူရေးရာဦးစီးဌာနမှ ကူညီဆောင်ရွက်ပေးရန် အသင့်ရှိပါကြောင်း ပြောကြားခဲ့ပါသည်။
DOCA(ကချင်)