မိုးဦးကျအချိန်ရောက်ရှိတော့မည့်ကာလတွင် ရှမ်းပြည်နယ်(မြောက်ပိုင်း) မူဆယ်မြို့နယ်အတွင်းရှိ တောင်သူများ၏ သီးနှံစိုက်ပျိုးရန် အခက်အခဲများအား သွားရောက်မေးမြန်းရာတွင် ကိုဗစ်-၁၉ ရောဂါ ဖြစ်ပွားသည့် အချိန်မှစ၍ စိုက်ပျိုးရေးလုပ်ငန်းလုပ်ကိုင်မှုအပေါ်တွင် အာရုံစိုက်မှုနည်းပါးလာခြင်းများ ဖြစ်ပေါ်လျက်ရှိပါသည်။
ထိုဖြစ်စဉ်များမှာ ယခင်တရုတ်နိုင်ငံသို့ တင်ပို့လျက်ရှိသော စိုက်ပျိုးသီးနှံများမှာ ယခုအခါ တရုတ်ဂိတ်များ ပိတ်ပင်ထားမှုကြောင့် ရောင်းချရန်ခက်ခဲမှု၊ စိုက်ပျိုးသီးနှံမျိုးစေ့နှင့် ဓါတ်မြေဩဇာ စိုက်ပျိုးရေးသုံးပစ္စည်းများ ဝယ်ယူရန်အတွက် တရုတ်ငွေဈေးမြင့်တက်မှုအခြေအနေများ ကြုံတွေ့နေရသောကြောင့် တောင်သူအများစုမှာ စိုက်ပျိုးလုပ်ကိုင်ရန်အတွက် လတ်တလောအခက်အခဲများဖြစ်ပေါ်နေကြောင်း သိရှိရပါသည်။
နီးစပ်ရာတောင်သူများနှင့် တွေ့ဆုံမေးမြန်းမှုများပြုလုပ်၍ ရရှိလာသောစစ်တမ်းများအရ ပြည် တွင်းဖြစ် စိုက်ပျိုးသီးနှံမျိုးစေ့နှင့် စိုက်ပျိုးရေးသုံးပစ္စည်းများ ဝယ်ယူသုံးစွဲသွားပါက ငွေကြေးအခက်အခဲများ အဆင်ပြေလာမည်ဖြစ်ကြောင်းနှင့် စိုက်ပျိုးရေးလုပ်ငန်းများလည်း အချိန်မှီစိုက်ပျိုးသွားနိုင်မည်ဖြစ်ကြောင်း လေ့လာသိရှိရပါသည်။
DOCA(ရှမ်း)