၂၀၂၅ ခုနှစ်၊ မတ်လ (၁၅) ရက်နေ့မှာ ကျရောက်တဲ့ “ကမ္ဘာ့စားသုံးသူအခွင့်အရေးများနေ့” (World Consumer Rights Day) အထိမ်းအမှတ်အခမ်းအနားကို ၂၀၂၅ ခုနှစ်၊ မတ်လ (၁၀) ရက်နေ့ နံနက်(၀၉:၃၀)အချိန်တွင် တောင်ကြီးမြို့၊ မြို့တော်ခန်းမ၌ ကျင်းပဆောင်ရွက်ခဲ့ရာ အဆိုပါအခမ်းအနား တွင် ရှမ်းပြည်နယ်ဝန်ကြီးချုပ်၊ ရှမ်းပြည်နယ်အစိုးရအဖွဲ့ဝင်ဝန်ကြီးများ၊ ရှမ်းပြည်နယ်စားသုံးသူရေးရာ ကော်မတီအဖွဲ့ဝင်များ၊ ပြည်နယ်/ခရိုင်အဆင့်ဌာနဆိုင်ရာများနှင့် အသင်းအဖွဲ့အသီးသီးမှ ဖိတ်ကြားထား သည့်ဧည့်သည်တော်များ၊ သူနာပြုသင်တန်းကျောင်းတို့မှ ဆရာ/ ဆရာမများနှင့် စားသုံးသူကာကွယ်ရေး ဥပဒေအကြောင်း စိတ်ပါဝင်စားသူများ စုစုပေါင်း (၂၅၃)ဦး တက်ရောက်ခဲ့ကြပါသည်။
အဆိုပါအခမ်းအနားတွင် ရှမ်းပြည်နယ်ဝန်ကြီးချုပ် ဦးအောင်အောင်က အဖွင့်အမှာစကား ပြောကြားခဲ့ပြီး ရှမ်းပြည်နယ်ဦးစီးမှူးရုံးမှ ပြည်နယ်ဦးစီးမှူး ဦးရွှေဖြူက စားသုံးသူကာကွယ်ရေးဆိုင်ရာ လုပ်ငန်းဆောင်ရွက်မှုအခြေအနေများ၊ စားသုံးသူဥပဒေပါအခွင့်အရေးနှင့်တာဝန်များ၊ ကုန်စည်များတွင် ထည့်သွင်းဖော်ပြရမည့် ကုန်အညွှန်းအမှတ်အသားဖော်ပြချက်များ၊ တိုင်းကြားမှုနှင့်ပတ်သက်၍ ဖြေရှင်းဆောင်ရွက်မှုများအကြောင်း၊ ၂၀၂၅ ခုနှစ်၊ ကမ္ဘာ့စားသုံးသူအခွင့်အရေးများနေ့ ဆောင်ပုဒ်၏ အနက်အဓိပ္ပါယ်နှင့် ပတ်သက်သောအကြောင်းအရာများ၊ ဈေးကွက်စောင့်ကြည့်စစ်ဆေးမှုကိစ္စရပ်များ အကြောင်းနှင့် အွန်လိုင်းစနစ်ဖြင့် ရောင်းချခြင်း (Online Sales) လုပ်ငန်းများ မှတ်ပုံတင် လက်မှတ် လျှောက်ထားမှုနှင့်သတ်သက်သည့်ကိစ္စရပ်များအား ရှင်းလင်းတင်ပြခဲ့ပြီး စားသုံးသူကာကွယ်ရေးဆိုင်ရာ အသိပညာပေး Video Clip ပြသခြင်း၊ မှတ်တမ်းတင်ဓာတ်ပုံ ရိုက်ကူးခြင်းများ ပြုလုပ်ခဲ့ပြီး အခမ်းအနားကို နေ့လယ် (၁၁:၁၅)နာရီအချိန်တွင် ရုပ်သိမ်းခဲ့ကြောင်း သတင်းရရှိပါသည်။
DOCA(ရှမ်း)