စားသုံးသူရေးရာဦးစီးဌာနအနေဖြင့် စားသုံးသူပြည်သူများ ထိခိုက်နစ်နာမှုမရှိစေရေးအတွက် ကုန်စည်နှင့်ဝန်ဆောင်မှုများကို ဈေးကွက်စောင့်ကြည့်စစ်ဆေးခြင်းများ အစဉ်တစိုက်ဆောင်ရွက် လျက်ရှိရာ မြင်းခြံခရိုင်ဦးစီးမှူးရုံးမှ ဝန်ထမ်းများသည် မြင်းခြံမြို့နယ်စည်ပင်သာယာရေးအဖွဲ့မှ ဝန်ထမ်းများဖြင့်ပူးပေါင်း၍ ၁၈-၃-၂၀၂၅ ရက်နေ့၊ နံနက် (၁၀:၃၀) နာရီအချိန်တွင် မြင်းခြံမြို့၊ စည်ပင်သာယာဈေးကြီးအတွင်းရှိ အသင့်စားမုန့်မျိူးစုံရောင်းချသော ကုန်စုံဆိုင်များသို့ ဈေးကွက် စောင့်ကြည့်စစ်ဆေးခြင်း ဆောင်ရွက်ခဲ့ကြောင်း သိရှိရသည်။
စည်ပင်သာယာဈေးအတွင်း ရောင်းချလျက်ရှိသော အသင့်စားမု့န်မျိုးစုံတွင် ထုတ်ကုန်လုံခြုံ စိတ်ချရမှုရှိစေရန်နှင့် စားသုံးသူများယုံကြည်စိတ်ချစွာ ဝယ်ယူသုံးစွဲနိုင်စေရန်အတွက် ပူးပေါင်းအဖွဲ့ ဝင်များသည် ကုန်အညွှန်းအမှတ်အသားဖော်ပြချက်များပြည့်စုံမှု ရှိ/မရှိ စစ်ဆေးခဲ့ရာ ကုန်အညွှန်း အမှတ်အသားဖော်ပြချက်များနှင့် ကိုက်ညီမှုရှိသည်ကို စစ်ဆေးတွေ့ရှိရပြီး မြင်းခြံခရိုင်စားသုံးသူ ရေးရာဦးစီးဌာနအနေဖြင့် စားသုံးသူပြည်သူများ ဘေးအန္တရာယ်ကင်းရှင်းစေရေးနှင့် ထိခိုက်နစ်နာ ဆုံးရှုံးမှုများမဖြစ်ပေါ်စေရေးကိုအလေးထားကာ ကုန်စည်နှင့်ဝန်ဆောင်မှုတို့ကို သက်ဆိုင်ရာ မိတ်ဖက်ဌာနများနှင့်ပူးပေါင်း၍ ဈေးကွက်စောင့်ကြည့်စစ်ဆေးမှုများ စဉ်ဆက်မပြတ်ဆောင်ရွက် သွားမည်ဖြစ်ကြောင်း သိရသည်။
DOCA(မန္တလေး)