ကမ္ဘာ့စားသုံးသူအခွင့်အရေးများနေ့ (World Consumer Rights Day-WCRD) အထိမ်းအမှတ် အခမ်းအနားများကို အပြည်ပြည်ဆိုင်ရာ စားသုံးသူများအဖွဲ့ (Consumers International-CI) က သတ်မှတ်ပေးထားသည့် ဆောင်ပုဒ်များနှင့်အညီ နှစ်စဉ် ကျင်းပပြုလုပ်လျက်ရှိရာ ၂၀၂၅ ခုနှစ်၏ ကမ္ဘာ့ စားသုံးသူအခွင့်အရေးများနေ့ အထိမ်းအမှတ် ဆောင်ပုဒ် မှာ “လူနေမှုဘဝအစဉ်တည်တံ့ဖို့ မျှတအသွင် ကူးပြောင်းစို့ (A Just Transition to Sustainable Lifestyles)” ဖြစ်ပါသည်။
စားသုံးသူရေးရာဦးစီးဌာန၊ တောင်ငူခရိုင်အနေဖြင့် ခရိုင်ဦးစီးမှူး ဦးမျိုးအောင်နှင့် ဝန်ထမ်းများ သည် ၂၀၂၅ ခုနှစ်၊ မတ်လ ၁၅ ရက်နေ့ နံနက်ပိုင်းတွင် တောင်ငူမြို့ လူစည်ကားရာ နေရာများတွင် စားသုံးသူ အခွင့်အရေးများကို စားသုံးသူများ ကျယ်ကျယ်ပြန့်ပြန့် သိရှိစေရန် ရည်ရွယ်၍ စားသုံးသူ ကာကွယ်ရေးဆိုင်ရာထုတ်ပြန်ထားသော စာစောင်များ၊ လှုပ်ရှားမှုဓါတ်ပုံမှတ်တမ်းများ၊ အသိပညာပေး ဆိုင်းဘုတ်များ၊ ကုန်အညွှန်းအမှတ်အသားဆိုင်ရာ အသိပညာပေး လက်ကမ်း စာစောင်များဖြန့်ဝေခဲ့ပြီး ပြည်သူများ၏ စိတ်ဝင်စားမှုရှိကြောင်း သိရှိရပါသည်။
DOCA(ပဲခူး)