ပဲခူးတိုင်းဒေသကြီး၊ နတ်တလင်းခရိုင် ဇီးကုန်းမြို့နယ်ရှိ သောက်ရေသန့်လုပ်ငန်း (၃)ခုအား မတ်လ ပထမပတ်တွင် ဈေးကွက်စောင့်ကြည့်စစ်ဆေးခဲ့မှုအား သက်ဆိုင်ရာမိတ်ဘက် ဌာနများဖြင့် ပူးပေါင်း၍ ဆောင်ရွက်ခဲ့ပါသည်။
အဆိုပါ သောက်ရေသန့် စက်ရုံများ၌ ၂၀ လီတာဘူးများ ထုတ်လုပ်ဖြန့်ဖြူးလျက်ရှိပြီး မြို့နယ် တွင်းသောက်သုံးသူများသာ သုံးစွဲကြပါသည်။ အခြားနယ်ကျော် ဖြန့်ဖြူးမှုမရှိကြောင်း သိရသည်။ ၎င်း ၂၀လီတာ သောက်ရေသန့်ဘူးများ အမှတ်တံဆိပ်ပါ ကုန်အညွှန်းအမှတ်အသား များ ဖော်ပြပါရှိစေရေး ထုတ်ကုန်လုံခြုံစိတ်ချ ရမှုရှိစေရန် သက်ဆိုင်ရာဌာနများဖြစ်သော FDA ထောက်ခံချက်ပါရှိမှု ရှိ/မရှိ တို့အား စားသုံးသူpရေးရာဦးစီးဌာနတို့မှ စစ်ဆေးဆောင်ရွက်ခဲ့ပါသည်။
သက်ဆိုင်ရာမိတ်ဘက် ဌာနများဖြစ်သော ကျန်းမာရေးဌာနမှ ကုန်အညွှန်းပါ FDA ထောက်ခံချက် နှင့် ကိုက်ညီမှု ရှိ/မရှိ ph တိုင်းမီတာများဖြင့် ဈေးကွက်ဖြန့်ဖြူးသည့် ၂၀လီတာဘူးများအား သတ်မှတ် ညွှန်ကြားချက်များနှင့် ကိုက်ညီမှု ရှိ/မရှိ စမ်းသပ်စစ်ဆေးမှုများ ဆောင်ရွက်ပါသည်။ ထိုသို့ စစ်ဆေးခဲ့ရာ၌ ph မီတာများ စံမမှီသဖြင့် သတ်မှတ်ချက်များ ကျော်လွန် မှုရှိနေကြောင်းသိရ၍ သောက်သုံးသူများ အနေဖြင့် ဘေးအန္တရာယ်ကင်းစွာ သောက်သုံးနိုင်ရေး အတွက် QC အရည်အသွေးမြင့် ph မီတာများ အသုံးပြုသင့်ကြောင်း နှင့် မြို့နယ် FDA ကော်မတီ မှ QC ph မီတာများဖြင့် ပြန်လည်စမ်းသပ် စစ်ဆေး မှုများအဖွဲ့ဖြင့် ဆောင်ရွက်ခဲ့ပါသည်။ ရေသန့်ပို့သည့် ကားများတွင်လည်း အမိုးများ တပ်ဆင်မှုပြုပြီးမှသာ ဖြန့်ဖြူးစေ၍ နေအပူရှိန် မြင့်မှုကြောင့် ဓာတ်ပြောင်းလဲမှုအပေါ် သောက်သုံးသူများ ဘေးအန္တရာယ် မရှိစေရေး ပူးပေါင်းအဖွဲ့စုံဖြင့် ကွင်းဆင်း စစ်ဆေး ဈေးကွက်စောင့်ကြည့်မှုများဆောင်ရွက်ခဲ့ပါသည်။
DOCA(ပဲခူး)