“ထန်းတစ်ပင်၏အသုံးဝင်ပုံ”

          ကျွန်တော်တို့မြန်မာနိုင်ငံတွင် တန်ဖိုးမဖြတ်နိုင်သည့် သစ်ပင်များစွာပေါက်ရောက်သောနိုင်ငံ တစ်နိုင်ငံဖြစ်ပါသည်။ထိုသို့ပေါက်ရောက်သောသစ်ပင်၊ပန်းမာန်များအနက်မှထန်းတစ်ပင်၏အသုံးဝင် ပုံများကိုလည်းလေ့လာသိရှိခဲ့ရပါသည်။ မန္တ‌လေးတိုင်းဒေသကြီး၊ တံတားဦးမြို့နယ်တွင် ထန်းပင်၊ ထန်း‌တောများ အများအပြားရှိသောဒေသတစ်ခုဖြစ်ပါသည်။ထိုထန်းတောများအနက်မှ တံတားဦးမြို့ နယ်၊ဇီးကန်ကျေးရွာမှ ထန်းတောပိုင်ရှင်တစ်ဦး၏ပြောကြားချက်များအရ ထန်းပင်တစ်ပင်တွင် လူအသုံးအဆောင်များအတွက် အကျိုးပြုသောအပင်တစ်ပင်ဖြစ်ပါသည်။ထန်းပင်တစ်ပင်လုံးတွင် အသုံးမဝင်သည့်နေရာမရှိပါ အခြားအပင်များသည် တစ်ပင်လုံးအသုံးဝင်သည်ဟုဆိုစေကာမှု အရွက် နှင့်အကိုင်းအခက်များသည် လူတို့အတွက်အမှိုက်သာဖြစ်စေခဲ့ပါသည် ။ ထို့ကြောင့် ထန်းပင်သည် ကျေးလက်ဒေသများ၌ ထန်းရွက်ကို အမိုး၊အကာအဖြစ်အသုံးပြုနိုင်သလို ထန်းရွက်ယက်တောင် အဖြစ်လည်း တန်ဖိုးမြှင့်ထုတ်ကုန်တစ်မျိုးအဖြစ် အသုံးပြုနိုင်ပါသည် ။ ထန်းလက်ကို နှီးဖြာ၍ ထန်းကြောဖျာ၊ ထန်းခေါက်ဖာများ၊ ထန်းခေါက်တောင်းများအဖြစ် ယက်လုပ်အသုံးပြုနိုင်ပြီး ထန်းကုလားထိုင်ပြုလုပ်၍လည်းအသုံးပြုနိုင်ကြောင်းသိရှိရပါသည်။ထို့အပြင် ထန်းပင်မှ ထန်းရည် ကိုလည်းလူအများကြိုက်နှစ်သက်ကြသလို ထန်းရည်မှ ထန်းလျှက်ချက်၍လည်းစားသုံးနိုင်ပြီး ထန်းသီးအနုသည် ဂျယ်လီကဲ့သို့အရသာရှိပြီး နှစ်သက်စွာ စားသုံးနိုင်ပါကြောင်း၊ထန်းသီးမှ ထန်းသီး မုန့်ပြုလုပ်၍လည်းစားသုံးနိုင်ပါသည်။ထို့အပြင် ထန်းသီးမှည့်များကို မြေကြီးပေါ်တွင်စုပုံ၍ အပေါ်မှ သဲနှုန်းများဖုံးအုပ်ထားပြီး (၄)လခန့်အကြာတွင် ထန်းမြစ်ပြောင်းလဲပြီး ထန်းမြစ်အဖြစ်ပြောင်းလဲ ရောက်ရှိလာပြီး ထန်းမြစ်ပြုတ်အဖြစ်လည်းကောင်း၊ထန်းမြစ်ကိုမီးဖုတ်၍လည်းကောင်းစားသုံးနိုင်ပါ သည်။ထန်းသားကို အိမ်အဆောက်အဦများ ဆောက်လုပ်ရာတွင်လည်းကောင်း၊ပရိဘောဂနှင့်အသုံး အဆောင်ပစ္စည်းများတွင်လည်းကောင်း အသုံးပြုနိုင်ပြီး ထန်းသားအရင့်အမာများသည် သစ်သား ထက်ပို၍ကောင်းမွန်ပြီး ထန်းသားဖြင့် နေအိမ်ဆောက်လုပ်သူများ၏ ပြောကြားချက်အရသိရှိရပါ သည် ။ ထို့ကြောင့် ထန်းပင်၊ ထန်းတော ပိုင်ဆိုင်သူတစ်ဦးအနေဖြင့် တစ်ဖက်တစ်လမ်းမှ အပိုဝင်ငွေ ရရှိလျှက်ရှိကြောင်းသိရှိရပါသောကြောင့် “ သစ်ပင် ၊ ပန်းမာန် လေသန့်စင်၍ ဥယျာဉ်တောတန်း စိတ်ရွှင်လန်း”၏ ဟူသော ဆိုရိုးစကားများရှိခဲ့သောကြောင့် လူမှုစီးပွားဖွံ့ဖြိုးတိုးတက်စေသော ထန်းပင် များကို အလေးထားအသုံးပြုစေလိုကြောင်းရေးသားတင်ပြအပ်ပါသည်။

DOCA(မန္တလေး)