မန္တလေးတိုင်းဒေသကြီး၊ မြင်းခြံခရိုင်၊ စားသုံးသူရေးရာဦးစီးဌာန ခရိုင်းဦးစီးမှူးရုံးတွင် (၂၀.၃. ၂၀၂၅)ရက်နေ့၊ နေ့လည် (၁၄:၀၀)နာရီအချိန်၌ မြင်းခြံခရိုင်နှင့်ညောင်ဦးခရိုင်အတွင်းရှိ ဝန်ထမ်းများ အား ဝန်ထမ်းစွမ်းဆောင်ရည်မြင့်မားတိုးတက်စေရန်ရည်ရွယ်၍ စားသုံးသူကာကွယ်ရေးဥပဒေပါ တိုင်ကြားမှုများ စိစစ်ညှိုနှိုင်းဖြေရှင်းဆောင်ရွက်ခြင်းသင်တန်းအား ဖွင့်လှစ်ဆောင်ရွက်ခဲ့ပါသည်။ ရှေးဦးစွာ ခရိုင်ဦးစီးမှူး ဦးသန်းစိုး(လက်ထောက်ညွှန်ကြားရေးမှူး)က သင်တန်းဖွင့် လှစ်ရခြင်းမှာ ဝန်ထမ်းများအဖက်ဖက်မှ အသိပညာဗဟုသုတများတိုးပွားစေရန်၊ လုပ်ငန်းတာဝန်များကျွမ်းကျင်မှု ရှိစေရန်၊ ဟောပြောပွဲများတွင် ဟောပြောဆွေးနွေးတတ်စေရန်၊ ဝတ်စားဆင်ယင်မှုများ သပ်ရပ်စွာ ဝတ်စားဆင်ယင်တတ်စေရန် ရည်ရွယ်၍ဆောင်ရွက်ရခြင်းဖြစ်ကြောင်း ပြောကြားခဲ့ပါသည်။
အဆိုပါသင်တန်းတွင် နစ်နာသည့်စားသုံးသူ၊ နစ်နာသည့် စားသုံးသူ၏မိသားစုဝင်များ၊ နစ်နာသည့် စားသုံးသူနှင့်ဆက်နွှယ်သော ပုဂ္ဂိုလ်များ၊ အစိုးရဌာနအဖွဲ့အစည်းများ၊ စားသုံးသူ ကာကွယ်ရေးဆိုင်ရာ အသင်းအဖွဲ့များမှ နစ်နာဆုံးရှုံးမှုရှိပါက တိုင်ကြားနိုင်ပါကြောင်း၊ သက်ဆိုင်ရာ ဦးစီးမှူးရုံးမှ တိုင်ကြားမှုနှင့်စပ်လျဉ်း၍ မှန်ကန်မှုရှိ/မရှိ စိစစ်ခြင်း၊ ပြည့်စုံမှန်ကန်မှုမရှိသော တိုင်ကြားမှုနှင့်စပ်လျဉ်း၍ ပြည့်စုံမှန်ကန်စေရေးအတွက် ဆောင်ရွက်စေခြင်း၊ လူထုဆက်သွယ်ရေး နည်းလမ်းတစ်ခုခုဖြင့် တိုင်ကြားမှုနှင့် စပ်လျဉ်း၍အရေးယူဆောင်ရွက်နိုင်ရန် မှတ်တမ်းရယူခြင်းနှင့် ညိှနှိုင်းဖြေရှင်းပေးခြင်းကို မြေပြင်တွင်လက်တွေ့ ဖြေရှင်းပေးမှုများအကြောင်းများကို ဆွေးနွေး သင်ကြားပို့ချခဲ့ကြောင်းနှင့်သင်တန်းသို့ မြင်းခြံခရိုင်ဦးစီးမှူးရုံးရှိ ခရိုင်ဦးစီးမှူးနှင့်ဝန်ထမ်း(၈)ဦး၊ Online ဖြင့် ညောင်ဦးခရိုင်မှဝန်ထမ်း(၃)ဦးနှင့်နွားထိုးကြီးမြို့နယ်တာဝန်ခံတို့ တက်ရောက်ခဲ့ ကြောင်း သိရသည်။
DOCA(မန္တလေး)