၂၂.၃.၂၀၂၅ ရက်နေ့ နံနက် ၀၉၀၀ အချိန်တွင် ညောင်တုန်းမြို့နယ် ပြန်ကြားရေးနှင့် ပြည်သူ ဆက်ဆံရေးဦးစီးမှူးရုံးခန်းမတွင် နွေရာသီ ယဉ်ကျေးလိမ်မာ တက်ရောက်နေသည့် ကလေး၊လူငယ် ၂၄ဦးအား စားသုံးသူရေးရာဦးစီးဌာနမှ မြို့နယ်ဦးစီးမှူးရုံးမှ တာဝန်ရှိသူများက စားသုံးသူကာကွယ်ရေး အသိပညာပေး ဟောပြောခဲ့သည်၊
ရှေ့ဦးစွာ ညောင်တုန်းမြို့နယ်ဦးစီးမှူးရုံးမှ မြို့နယ်ဦးစီးမှူး ဦးအောင်လွင်က စားသုံးသူရေးရာ ဦးစီးဌာန၏ ဆောင်ပုဒ်ဖြစ်သည့် “စားသုံးသူအခွင့်အရေးဦးစားပေး”၊ စားသုံးသူရေးရာ ဦးစီးဌာန၏ မျှော်မှန်းချက်၊ စားသုံးသူရေးရာဦးစီးဌာန၏ ရည်မှန်း ချက်၊ စားသုံးသူကာကွယ်ရေးဥပဒေနှင့် နည်းဥပဒေများ၊ စားသုံးသူကာကွယ်ရေးနှင့် ကုန်စည်များ (အသုံးပြုခြင်းသို့မဟုတ် စားသုံးခြင်းပြုသောအရာဝတ္ထုများ)အကြောင်း၊ ဝန်ဆောင်မှုများ အကြောင်း၊ ကုန်အညွှန်းအမှတ်အသား ဖော်ပြရန် သတ်မှတ်ချက်များ၊ စားသုံးသူများ၏ အခွင့်အရေး(၈)ချက်များအကြောင်း၊ စားသုံးသူများ၏ တာဝန်များ(၄)ချက်၊ စီးပွားရေး လုပ်ငန်းရှင်၏တာဝန်များ (၁၀)ချက်၊ စားသုံးသူ အငြင်းပွားမှုဆိုင်ရာ ကိစ္စရပ်များတိုင်ကြားခြင်း စသည်တို့ကို အသိပညာပေး ဟောပြောခဲ့သည်။
ထို့နောက် စားသုံးသူရေးရာဦးစီးဌာနမှ ထုတ်ဝေသည့် အသိပညာပေးလက်ကမ်းစာစောင်များ ဖြန့်ဝေပေးခဲ့ရာ နွေရာသီ ယဉ်ကျေးလိမ်မာ တက်ရောက်နေသည့် ကျောင်းသား/ ကျောင်းသူများ မှ စိတ်ပါဝင်စားစွာ လေ့လာမှတ်သားခဲ့ကြကြောင်း သိရသည်။
DOCA(ဧရာဝတီ)