ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်း မြို့၌ ကြွပ်ကြွပ်အိပ်သုံးစွဲမှုလျှော့ချရေးနှင့် စားသုံးသူကာကွယ်ရေးဆိုင်ရာ အသိပညာပေးခြင်းနှင့် လက်ကမ်းစာစောင်ဝေငှခြင်းများကို ၂၀၂၅ခုနှစ်မတ်လ ၂၁ ရက် နံနက် (၁၀)နာရီက မြို့နယ်စည်ပင်သာယာရေးအဖွဲ့ပိုင် မြို့မဈေးတွင် ကွင်းဆင်းဆောင်ရွက်ခဲ့ကြကြောင်း သိရသည်။
ယင်းသို့ဆောင်ရွက်ရာတွင် မြို့နယ်စည်ပင်သာယာရေး၊ စားသုံးသူရေးရာဦးစီးဌာန၊ ပြန်ကြားရေးနှင့်ပြည် သူ့ဆက်ဆံရေးဦးစီးဌာနနှင့် ဈေးကော်မတီတို့မှ ပူးပေါင်းပါဝင်ဆောင်ရွက်ကြခြင်းဖြစ်ပြီး မြို့နယ်စည်ပင်သာယာရေးအဖွဲ့မှ တာဝန်ရှိသူတို့က ကြွပ်ကြွပ်အိတ်သုံးစွဲမှုလျှော့ချရေး၊ ကြွပ်ကြွပ်အိတ်တွင်ပါဝင်သော ဓာတုဓာတ်ပေါင်းများ၏ နှစ်ပေါင်းထောင်ချီ၍မပျက်စီးစေဘဲ အဆိပ်သင့်စေသော အန္တရာယ်များအကြောင်းကို ရှင်းလင်းပြောကြားကာ၊ စားသုံးသူရေးရာ ဦးစီးဌာနမြို့နယ် ဦးစီးမှူးရုံး မှ ဒေါ်ချိုမီဇင်ဒုဦးစီးမှူးက စားသုံးဆီအရောင်းဆိုင်များ ဆီအမျိုးအစားအလိုက် ကုန်ပစ္စည်းအညွှန်းများ ကပ်၍ ရောင်းချစေရေး ပညာပေးဆွေးနွေးပြီး ကြွပ်ကြွပ်အိတ်၏ အန္တရာယ်နှင့် စားသုံးသူကာ ကွယ်ရေးဉပဒေ အခန်း(၁၈)- ပုဒ်မ(၃)ခု ပါဝင်သောလက်ကမ်းစာစောင်များကို ဝေငှခဲ့ကြောင်း သိရသည်။
DOCA(ဧရာဝတီ)