ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ပြည်ခရိုင်ဦးစီးမှူးရုံးအနေဖြင့် စားသုံးသူပြည်သူများ ဘေးအန္တရာယ်ကင်းရှင်းစေရေး၊ အရည်အသွေးမြင့်မားပြီး အာမခံချက်ရှိသော ကုန်စည်/ ဝန်ဆောင်မှုများ သုံးစွဲနိုင်ရေးအတွက် စားသုံးသူရေးရာကိစ္စရပ်များအား ကျယ်ကျယ်ပြန့်ပြန့် သိရှိနားလည်စေရေး ရည်ရွယ်၍ စားသုံးသူအသိပညာပေး ဟောပြောပွဲများ ကျင်းပပြုလုပ်လျှက်ရှိရာ ပြည်ခရိုင်၊ သဲကုန်းမြို့နယ် အတွင်း ဇွန်လ (၃)ရက်၊ မွန်လွဲ (၁:၀၀)နာရီ၌ အင်းမော်ငယ်အုပ်စု၊ သစ်စိန်ပင် ကျေးရွာတွင် လည်းကောင်း၊ ဇွန်လ (၈)ရက်၊ မွန်းလွဲ (၁:၀၀)နာရီ၌ ချားလျားကုန်းအုပ်စု၊ ချားလျားကုန်းကျေးရွာတွင်လည်းကောင်း၊ သဲကုန်းမြို့နယ်တာဝန်ခံမှ သက်ဆိုင်ရာမြို့နယ် မိတ်ဖက်ဌာနဆိုင်ရာများနှင့် ပူးပေါင်းကာ စားသုံးသူအသိပညာပေးဆွေးနွေး ဟောပြောပွဲများ ကျင်းပပြုလုပ်ခဲ့ပါသည်။
အဆိုပါ ဟောပြောပွဲတွင် မြို့နယ်တာဝန်ခံမှ စားသုံးသူများ၏ အခွင့်အရေးနှင့်တာဝန်များ၊ ကုန်အညွှန်းအမှတ်အသားဖေါ်ပြခြင်းဆိုင်ရာအချက်များ၊ နစ်နာဆုံးရှုံးမှုများရှိပါက တိုင်ကြားနိုင်မည့်နည်းလမ်းများ၊ ပြစ်မှုပြစ်ဒဏ်အကြောင်းစသည်တို့အား အကျယ်တဝင့် ရှင်းလင်းဆွေးနွေးခဲ့ပြီး ကျေးရွာနေပြည်သူ (၁၄၇)ဦးတက်ရောက်ခဲ့ကာ စားသုံးသူ အသိပညာပေးလက်ကမ်းစာစောင်များလည်း ဖြန့်ဝေပေးခဲ့ကြောင်း သတင်းရရှိပါသည်။
DOCA(ပဲခူး)