ကော့မှူးမြို့နယ် ၊ မတ်လ (၂၅) ရက်
ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် မြို့သစ်ရပ်ကွက် ပြန်ကြားရေး နှင့်ပြည်သူ့ ဆက်ဆံရေးဦးစီးဌာနနှင့် ကော့မှူးမြို့နယ် အမျိုးသမီးရေးရာအဖွဲ့တို့ ပူးပေါင်း၍ အခြေခံပန်းချီသင်တန်း အား မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးမှူးရုံးခန်းတွင် မတ်လ (၂၂)ရက်နေ့၊ နံနက် (၀၉:၃၀) နာရီအချိန်တွင် သင်တန်းဖွင့်လှစ် သင်ကြားပေးခဲ့ကြောင်း သိရသည်။
အဆိုပါ ပန်းချီသင်တန်း ဖွင့်လှစ်ခြင်း အခမ်းအနားတွင် မြို့နယ်ပြန်ကြားရေးနှင့် ပြည်သူ့ ဆက်ဆံရေး ဦးစီးဌာနမှ မြို့နယ်ဦးစီးမှူး ဒေါ်ဇာခြည်စိမ့်က ကော့မှူးမြို့နယ်အတွင်းရှိ လူငယ်လူရွယ် မျိုးဆက်သစ်များ အနေဖြင့် အခြေခံပန်းချီပညာကို ယခုအချိန်မှ စတင်တက်မြောက်ခဲ့ပါက နောင်တွင် ပန်းချီပညာကို ဆက်လက် ဆည်းပူးလေ့လာသွားမည် ဆိုပါက နောင်အခါတွင် ပန်းချီပညာရှင်များ ဖြစ်လာပြီး မြို့နယ်မှသည် ခရိုင်၊ တိုင်း၊ နိုင်ငံတော်အတွက် အားထားရမည့် လူငယ်မောင်မယ်များ ဖြစ်ပေါ်လာနိုင်ရန် ယခုသင်တန်းကို ဖွင့်လှစ်ရခြင်း ဖြစ်ပါကြောင်း အခြေခံပန်းချီသင်တန်းအား (၂၂.၃.၂၀၂၅)ရက်နေ့မှ (၆.၄.၂၀၂၅) ရက်နေ့အထိ အပတ်စဉ် စနေနေ့တိုင်း သင်ကြားပေးသွားမည်ဖြစ်ပြီး သင်တန်းကာလမှာ (၁)ပတ်ဖြစ်ပါကြောင်းနှင့် အဆိုပါသင်တန်းတွင် သင်တန်းသားဦးရေ (၄၈)ဦး တက်ရောက်ခဲ့ပြီး ကော့မှူးမြို့နယ် အမျိုးသမီးရေးရာအဖွဲ့ ဥက္ကဌနှင့် အဖွဲ့ဝင်များနှင့် သက်ဆိုင်ရာဌာနဆိုင်ရာ တာဝန်ရှိသူများ ဝိုင်းဝန်းပူးပေါင်း ဆောင်ရွက်ခဲ့ပါကြောင်း သိရသည်။
DOCA(ရန်ကုန်)