BYD (Build Your Dreams) သည် တရုတ်နိုင်ငံအခြေစိုက် ကမ္ဘာ့အကြီးဆုံး လျှပ်စစ်ကား ထုတ်လုပ်သောကုမ္ပဏီတစ်ခုဖြစ်ပြီး ယခုလပိုင်းတွင် ၎င်းလျှပ်စစ်ကားကုမ္ပဏီမှ တီထွင်လိုက်သော Super e-Platform အားသွင်းနည်းပညာအသစ်ကို ပြည်သူများထံသို့ မိတ်ဆက်လိုက်ပါတယ်။ အဆိုပါနည်းပညာသည် အားသွင်းမှု အရင်းအမြစ်နှင့် အားသွင်းနှုန်းတွင် တာရှည်အဆင့် မြင့်မားသော ဖြည့်စွက်ပြင်ဆင်မှုများပြုလုပ်ခဲ့သည့်အတွက် Super e-Platform ၏ အဓိကအားသာချက်မှာ ၁,၀၀၀ ကီလိုဝပ်စွမ်းအင်ပါဝင်ပြီး ၅ မိနစ်သာကြာအောင် အားသွင်းရမည်ဖြစ်ပါတယ်။
ယင်းအားသွင်းမှုသည် အမေရိကန်နိုင်ငံအခြေစိုက် လျှပ်စစ်ကားကုမ္ပဏီဖြစ်တဲ့ Tesla ကုမ္ပဏီ၏ အားသွင်းနည်းပညာဖြစ်သော Supercharger အားသွင်းနည်းပညာထကကျော်လွန်ကာ အားသွင်းနိုင်မှု နှစ်ဆ ပိုမိုမြန်ဆန်နေပြီ ဖြစ်ပါတယ်။ ၅ မိနစ်အတွင်း ၄၀၀ ကီလိုမီတာအထိ မောင်းသွားနိုင်ခြင်းသည်လည်း လျှပ်စစ်ကားပိုင်ရှင်များအတွက် အထူးကောင်းမွန်လှသည့် နည်းပညာအသစ်ပင် ဖြစ်ပါတယ်။ BYD သည် သူ့ရဲ့ Super e-Platform အားသွင်းနည်းပညာအသစ်ကို အသုံးပြုသူများ အတွက် ပိုမိုအဆင်ပြေစေရန် နိုင်ငံတကာတွင် အားသွင်းစခန်းများ တိုးချဲ့တည်ဆောက်ရန်နှင့် အခြား EV charging network များနှင့် မျှဝေပေးရန် စီစဉ်ထားသည်။ ထို့အပြင် စီးပွားရေး လုပ်ငန်းရှင်များအတွက် အားသွင်းစခန်းများ လည်ပတ်ခွင့်ပေးခြင်းဖြင့် လုပ်ငန်းအသစ်များ ဖန်တီးရန်လည်း ရည်ရွယ် ထားပါတယ်။ ယခုလိုလုပ်ဆောင်မှုများကြောင့် BYD EV များ အားသွင်းရန် နေရာများ ပိုမိုများပြား လာမည်ဖြစ်သကဲ့သို့ ဝယ်ယူလိုသူများ၏ စိုးရိမ်မှုများကိုလည်း လျှော့ချနိုင်မည်ဖြစ်ပါတယ်။
DOCA(ဧရာဝတီ)