“ သန်လျင်မြို့နယ်၌သတ်မှတ်ချက်နှင့်ကိုက်ညီမှုမရှိသောအစားသောက်များအား ကွင်းဆင်းစစ်ဆေးခြင်း ”

    ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ်အတွင်းရှိ သတ်မှတ်ချက်နှင့် ကိုက်ညီမှုမရှိသော အစားအသောက်များ ဈေးကွက်အတွင်း ရောင်းချနေမှု အခြေအနေအား မတ်လ(၂၆)ရက်နေ့၊ နံနက်(၁၀:၀၀)နာရီအချိန်တွင် ကွင်းဆင်းစစ်ဆေးခဲကြောင်း သိရသည်။

    ထိုသို့ဈေးကွက်အတွင်း ကွင်းဆင်းစစ်ဆေးခဲ့ရာတွင် ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာနမှ ဦးစီးအရာရှိနှင့်ဝန်ထမ်းများ၊ မြို့နယ်စည်ပင်သာယာရေးအဖွဲ့မှ အမှုဆောင်အရာရှိနှင့်ဝန်ထမ်းများ၊ မြို့နယ်ကျန်းမာရေးဦးစီးဌာနမှ တာဝန်ရှိသူများနှင့် စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းတို့ ပူးပေါင်းအဖွဲ့သည် သန်လျင်မြို့နယ် စည်ပင်သာယာမြို့မဈေးအတွင်း/အပြင်ရှိ မုန့်ဖတ်နှင့်ငါးပိများ ရောင်းချလျက်ရှိသောဆိုင်များတွင် မုန့်ဖတ်၊ နန်းကြီးဖတ်နှင့် ငါးပိတို့တွင် အစားအသောက်များနှင့်ထည့်သွင်းသုံးစွဲရန် ခွင့်မပြုသည့် တားမြစ် ဓာတုပစ္စည်း Formalin ပါရှိသည့် မုန့်ဖတ်၊ နန်းကြီးဖတ်နှင့် တားမြစ်ဆိုးဆေး Rhodamine B ပါရှိသည့် ငါးပိများစသည့် သတ်မှတ်ချက်နှင့်ကိုက်ညီမှုမရှိသော စားသောက်ကုန် ပစ္စည်းများ ဈေးကွက်အတွင်းဖြန့်ဖြူး ရောင်းချခြင်းများ မပြုလုပ်ကြရန်နှင့် ဖြန့်ဖြူးရောင်းချခြင်းများစစ်ဆေး တွေ့ရှိပါက ဈေးစည်းကမ်းချက်များအရ အရေးယူဆောင်ရွက်သွားမည် ဖြစ်ကြောင်း အသိပညာပေး ဆွေးနွေးပြောကြားခဲ့ပြီး ဈေးကွက်အတွင်း ကွင်းဆင်းစစ်ဆေးခဲ့ကြောင်း သိရသည်။

DOCA(ရန်ကုန်)