ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးနှင့် မအူပင်ခရိုင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်း၍ (၁၈.၆.၂၀၂၂)နေ့ နံနက် (၁၀:၀၀)နာရီအချိန်တွင် မအူပင်ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန Commumity Center ခန်းမတွင် Talk Show အစီအစဉ် ကျင်းပပြုလုပ်ခဲ့ပါသည်။
အဆိုပါ Talk Show အစီအစဉ်တွင် မအူပင်ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ခရိုင်ဦးစီးမှူး ဒေါ်တင်သူဇာလှိုင်မှ စတင်၍ မိတ်ဆက်၍ Talk Show အစီအစဉ်ကို ဆောင်ရွက်ခဲ့ပါသည်။
စားသုံးသူရေးရာဦးစီးဌာန မအူပင်ခရိုင်ဦးစီးမှူးရုံးမှ ဒု-ခရိုင်ဦးစီးမှူး ဦးအောင်ဇော်ဦးမှ စားသုံးသူကာကွယ်ရေးဥပဒေပါ စစ်ဆေးရေးအရာရှိ၏ လုပ်ငန်းတာဝန်များမှ စစ်ဆေးရေးအရာသည် တိုင်ကြားလာမှုအပေါ် စုံစမ်းစစ်ဆေးရန်(သို့) ဘေးအန္တရာယ်ရှိသည်ဟု ထင်မြင်ယူဆရသော ကုန်စည် (သို့) ဝန်ဆောင်မှုများကို စောင့်ကြည့်စစ်ဆေးနိုင်ရန် ဈေးကွက်အတွင်းမှ ပပျောက်စေရန် အလို့ငှာ ကုန်စည်နှင့် ဝန်ဆောင်မှု စစ်ဆေးရေးလုပ်ငန်းများ ဆောင်ရွက်ရန် တာဝန်ရှိသည့်အကြောင်းနှင့် စစ်ဆေးရေးအရာရှိ၏ လုပ်ငန်းတာဝန်များမှ လုပ်ဆောင်ရမည့် (၁၁)ချက်ကို စားသုံးသူများနှင့် လုပ်ငန်းရှင် ပြည်သူများသိရှိအောင် ဝေမျှဆွေးနွေးခဲ့ကြောင်း သတင်းရရှိပါသည်။
DOCA(ဧရာဝတီ)