ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်အတွင်းရှိ ယခုနှစ်ဆောင်းသီးနှံ စိုက်ပျိုးရာသီတွင် စိုက်ပျိုးထားသည့် မြေပဲသီးနှံ (၁၁၀၃)ဧကမှာ ခူးဆွတ်ရိတ်သိမ်း ပြီးစီးပြီးဖြစ်ကြောင်း သုံးခွမြို့နယ် မြေစာရင်းဦးစီးဌာနမှ သိရသည်။
သုံးခွမြို့နယ်တွင် ယခုနှစ်ဆောင်းသီးနှံ စိုက်ပျိုးရာသီတွင် မြေပဲ (၁၁၀၃)ဧက စိုက်ပျိုးနိုင်ခဲ့ရာ ယခုအခါတွင် ဧကအားလုံး ရာနှုန်းပြည့် ခူးဆွတ်ရိတ်သိမ်း ပြီးစီးသွားပြီးပါသည်။ အထွက်နှုန်းအားဖြင့် တစ်ဧကပျှမ်းမျှ (၅၂.၂၂) တင်း ထွက်ရှိကြောင်း၊ ယခုနှစ်တွင် မြေပဲစိုက်ဧက (၆၈၆)ဧကဖြစ်ပြီး ပျှမ်းမျှတစ်ဧက (၄၇.၃၆)တင်း ထွက်ရှိခဲ့ကြောင်း၊ ယခုနှစ်မြေပဲဧကမှာ ယခင်နှစ်ထက် ဧကပိုမိုစိုက်ပျိုးလာကြောင်း တွေ့ရသည်။ ယခုအခါတွင် မြေပဲသီးနှံများလည်း ရိတ်သိမ်းပြီးစီးပြီးထဖြစ်၍ တောင်သူလက်ဝယ်ရှိ မြေပဲကုန်ကြမ်း သီးနှံများအား ကြိတ်ခွဲရန်အတွက် ဒေသတွင်းရှိ ဆီစက်လုပ်ငန်းအချို့မှာလည်း ကြိတ်ခွဲလည်ပတ်မည့် စက်ပစ္စည်းများကိုလည်း အဆင်ပြေပြေလုပ်ငန်းလည်ပတ်နိုင်ရေး လုပ်ငန်းကျွမ်းကျင်သည့် လုပ်သားများနှင့် ပြင်ဆင်ဆောင်ရွက်လျက်ရှိကြောင်းသိရသည်။ ထို့ပြင် စားသုံးဆီဖူလုံစေရေးအတွက် ဆီထွက်သီးနှံများကိုလည်း တစ်နှစ်ထက်တစ်နှစ် ဧကတိုးချဲ့စိုက်ပျိုးကြရန် တောင်သူ အသိပညာပေး လုပ်ငန်းများကိုလည်း သက်ဆိုင်ရာဌာနများမှ ကူညီဆောင်ရွက်ပေးလျက်ရှိကြောင်း သိရသည်။
DOCA(ရန်ကုန်)