၂၅.၃.၂၀၂၅ ရက်နေ့ နေ့လယ်(၁:၀၀) အချိန်တွင် အနောက်ပိုင်းခရိုင်ဦးစီးမှူးရုံးမှ ဝန်ထမ်းများသည် ကမာရွတ်ခရိုင်၊ ကမာရွတ်မြို့နယ် လှည်းတန်းဈေးအတွင်းသို့ ကလေးကစား စရာ အရုပ်အမျိုးမျိုးနှင့် ပတ်သက်၍ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
ထိုသို့ဆောင်ရွက်ခဲ့ရာတွင် လှည်းတန်းဈေး ဈေးတာဝန်ခံ ဦးမိုးကျော်အောင် ပါ ဝန်ထမ်းများမှ ပူးပေါင်းပါဝင်၍ ကလေးကစားစရာအရုပ်အမျိုးမျိုးတွင် စားသုံးသူကာကွယ်ရေး ဥပဒေအခန်း(၁၈) ပါ ကုန်အညွှန်းအမှတ်အသား ဖော်ပြခြင်းနှင့်ပတ်သက်၍ ပုဒ်မ(၄၃) အရ မည်သည့်စီးပွားရေး လုပ်ငန်းရှင်မဆို ပုဒ်မ (၄၁) ပုဒ်မခွဲ(ခ)နှင့် (ဆ)တို့ပါ ကုန်အညွှန်း အမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် သို့မဟုတ် တစ်ခုထက်ပို၍ တွဲလျက်ဖြစ်စေ ရေးသားဖော်ပြထားသော ကုန်စည်များကိုသာ ရွေးချယ် ရောင်းချပေးရန် အသိပညာပေးပြောကြားခဲ့ကြောင်း သိရှိရပါသည်။
DOCA(ရန်ကုန်)