မန္တလေးတိုင်းဒေသကြီး၊စားသုံးသူရေးရာဦးစီးဌာန၊ ကျောက်ဆည်ခရိုင်မှ ခရိုင်ဦးစီးမှူးဦးဆောင်သော စစ်ဆေးရေးအရာရှိများသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊မြို့နယ် ပြည်သူ့ကျန်းမာရေးဌာနမှ တာဝန်ရှိသူများနှင်အတူ (၈-၆-၂၀၂၂)ရက်နေ့တွင် ကျောက်ဆည်မြို့၌လည်းကောင်း ၊(၉-၆-၂၀၂၂)ရက်နေ့တွင် မြစ်သားမြို့၌လည်းကောင်း ၊ (၁၀-၆-၂၀၂၂)ရက်နေ့တွင် စဉ့်ကိုင်မြို့နှင့်တံတားဦးမြို့၌လည်းကောင်း ၊ မြို့နယ်အတွင်းရှိ ဆေးဆိုင်များအား စျေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။ကျောက်ဆည်ခရိုင် စားသုံးသူရေးရာဦးစီးဌာန ခရိုင်ဦးစီးမှူးက Balla Plus Plaster သည် ထုတ်လုပ်သည့်နိုင်ငံ၊ထုတ်လုပ်သည့်ကုမ္ပဏီ၊တင်သွင်း သည့်ကုမ္ပဏီ၊ဆေးဝါးမှတ်ပုံတင်အမှတ်နှင့်Import Registration No.(IR)များဖော်ပြထားခြင်းမရှိဘဲ စျေးကွက်အတွင်းရောင်းချလျှက်ရှိသောကြောင့်တရားဝင်အခွန်အခများပေးသွင်း၍ တင်သွင်းရောင်းချနေသည့်ကုမ္ပဏီများအနေဖြင့် အကျိုးစီးပွားထိခိုက်နစ်နာမှုများကြုံတွေ့နေရသဖြင့် စိစစ်အရေးယူပေးပါရန် တင်ပြလာမှုအရ မိမိတို့အဖွဲ့အနေဖြင့်လာရောက်ခြင်းဖြစ်ကြောင်း၊ဆေးဆိုင်များအနေဖြင့် တရားဝင်မှတ်ပုံတင်ထားသော အိမ်သုံးဆေးဝါးများကိုသာ ရောင်းချရန်လိုကြောင်း ပြောကြားခဲ့ပြီး တရားဝင်မှတ်ပုံတင်ထားခြင်းမရှိသည့် Balla Plus Plaster များအား ရောင်းချခြင်း ရှိ/မရှိ စျေးကွက်စောင့်ကြည့်စစ်ဆေးခဲ့ကြောင်း သတင်းရရှိပါသည်။
DOCA(မန္တလေး)