သြစတြေးလျသည် ဆေးလိပ်တစ်လိပ်ချင်းစီတွင် ကျန်းမာရေးသတိပေးချက်များကို ပုံနှိပ်ထုတ်ဝေသည့် ကမ္ဘာပေါ်တွင် ဒုတိယမြောက်နိုင်ငံဖြစ်လာသည်။ အင်္ဂါနေ့တွင် စတင်အသက်ဝင် ခဲ့သော ဆေးရွက်ကြီးထုပ်ပိုးမှုဥပဒေအောက်တွင် သြစတြေးလျနိုင်ငံတွင် ရောင်းချသည့် စီးကရက် တစ်လိပ်စီတိုင်းကို ကျန်းမာရေးသတိပေးချက် ရှစ်ခုအနက်မှ တစ်ခုဖြင့် ရိုက်နှိပ်ထုတ် ဝေမည်ဖြစ်သည်။ စီးကရက်တစ်လိပ်ချင်းစီ၏ ကျန်းမာရေးသတိပေးချက် အသစ်တွင် "ကင်ဆာ ၁၆ မျိုးကို ဖြစ်စေသည်"၊ "သင့်အဆုတ်ကို ပျက်စီးစေသည်" နှင့် "အမှုန်တိုင်းတွင် အဆိပ်များ" ဟူသော စကားစုများ ပါဝင်သည်။ အင်္ဂါနေ့တွင် စတင်အသက်ဝင်ခဲ့သော ဥပဒေသစ်တွင် ဆေးလိပ်ဖြတ်ခြင်း၏ အကျိုးကျေးဇူးများကို သတင်းအချက်အလက်ပေးသည့် ဂရပ်ဖစ်ကျန်းမာ ရေးသတိပေးချက်အသစ် ၁၀ ခုနှင့် ထုပ်ပိုးမှုအတွင်း ထည့်သွင်းမည့် ဖြည့်စွက်စာအသစ် ၁၀ ခုကို မိတ်ဆက်ခဲ့သည်။ ဆေးလိပ်ထုပ်ပိုးခြင်းဆိုင်ရာ ဂရပ်ဖစ်ကျန်းမာရေးသတိပေးချက်များ သည် သြစတြေးလျ နိုင်ငံသားများအား ဆေးလိပ်အန္တရာယ်အကြောင်း ပညာပေးရာတွင် ထိရောက်မှုရှိကြောင်း ကင်ဆာကောင်စီမှ Sarah Durkin က ပြောကြားခဲ့သည်။ ဂရပ်ဖစ် ကျန်းမာရေးသတိပေးချက် အသစ်တွင် ဆီးချိုရောဂါ၊ လိင်အင်္ဂါချို့ယွင်းမှု၊ သားအိမ်ခေါင်း ကင်ဆာ၊ DNA ပျက်စီးမှုနှင့် ကလေးများ၏ အဆုတ်စွမ်းရည်အပေါ် သက်ရောက်မှုများကဲ့သို့ သော ဆေးလိပ်သောက်ခြင်း၏ ဆိုးကျိုးအချို့ကို ဖော်ပြထားပါသည်။ သြစတြေးလျ ကျန်းမာရေးနှင့် လူမှုဖူလုံရေး အင်စတီကျုမှ အချက် အလက်များအရ နေ့စဉ် ဆေးလိပ်သောက်သူ ဩစတြေးလျ အသက် ၁၄ နှစ်နှင့် အထက် အချိုးအစားသည် ၁၉၉၃ ခုနှစ်တွင် ၂၅ ရာခိုင်နှုန်းမှ ၂၀၂၂-၂၃ တွင် ၈.၃ ရာခိုင်နှုန်းသို့ ကျဆင်းသွားကြောင်း သိရသည်။
Source : Xinhua
DOCA(ရန်ကုန်)