စားသုံးသူရေးရာဦးစီးဌာန၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲ ရေးဌာနခွဲ၊ ကုန်ပစ္စည်းစမ်းသပ်စစ်ဆေးရေးနှင့် အရည်အသွေးစီမံခန့်ခွဲမှုဌာနစု (လှည်းကူး) ၏ ဓာတ်ခွဲခန်းများမှ ၂၀၂၅ ခုနှစ်၊ မတ်လအတွင်း လုပ်ငန်းရှင်ပေါင်း ၄၃ ဦးက အပ်နှံလာသော သီးနှံအမျိုးအစား ၁၆ မျိုး၊ စုစုပေါင်းနမူနာအရေအတွက် ၁၂၂ ခု၊ ဓာတ်ခွဲစမ်းသပ်မှုပေါင်း ၂၅၆ ခုကို ဓာတ်ခွဲစမ်းသပ်စစ်ဆေးခြင်းများ ဆောင်ရွက်နိုင်ခဲ့ပါသည်။
၂၀၂၅ ခုနှစ်၊ မတ်လအတွင်း လယ်ယာထွက်ကုန်ပို့ကုန်များအား တရုတ်နိုင်ငံ၊ ဂျပန်နိုင်ငံ၊ အီတလီနိုင်ငံ၊ ပိုလန်နိုင်ငံနှင့် ပြင်သစ်နိုင်ငံတို့သို့ တင်ပို့နိုင်ရေးအတွက် ဆန်ဖြူ၊ နှမ်းနက် (သိပ္ပံ)၊ နှမ်းနက်(ရိုးရိုး)၊ ပြောင်းဖူးမှုန့်၊ ဆန်မှုန့်၊ ပဲတီစိမ်း၊ ထောပတ်ပဲ၊ ပဲလွန်း၊ ဆန်ကွဲ၊ နှမ်းဖြူ၊ ပဲယင်းနီ၊ မြေထောက်ပဲ၊ စွန်တာနီ၊ တိရစ္ဆာန်စာနှင့် ပေါင်းဆန်တို့တွင် ဓာတုအရည်အသွေး၊ ပိုးသတ်ဆေး ဓာတ်ကြွင်းပါရှိမှု၊ မှိုဆိပ်ပါရှိမှု၊ သီးနှံဓာတုပါရှိမှုနှင့် သီးနှံရူပအရည်အသွေးစသည့် ဓာတ်ခွဲစမ်းသပ် စစ်ဆေးခြင်းကိုလည်းကောင်း၊ အင်ဒိုနီးရှားနိုင်ငံမှ တင်သွင်းလာသည့် စားအုန်းဆီများ၏ အရည် အသွေးများကိုလည်းကောင်း ဓာတ်ခွဲစမ်းသပ်ခြင်းများ ဆောင်ရွက်ခဲ့ပါသည်။
ဓာတ်ခွဲခန်းအလိုက် ဓာတ်ခွဲစမ်းသပ်မှုအနေဖြင့် ပိုးသတ်ဆေးဓာတ်ကြွင်းဓာတ်ခွဲခန်းမှ ၈၈ ခု၊ မှိုဆိပ်ဓာတ်ခွဲခန်းမှ ၈ ခု၊ ဆီနှင့် ဆီထွက်သီးနှံဓာတ်ခွဲခန်းမှ ၁၅၃ ခု၊ သီးနှံဓာတုဓာတ်ခွဲခန်းမှ ၆ ခု၊ သီးနှံရူပဓာတ်ခွဲခန်းမှ ၁ ခု၊ စုစုပေါင်းဓာတ်ခွဲစမ်းသပ်မှု ၂၅၆ ခု ဆောင်ရွက်နိုင်ခဲ့ပါသည်။