မန္တလေးတိုင်းဒေသကြီး၊ စားသုံးသူရေးရာဦးစီးဌာနနှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ ပူးပေါင်း၍ အခြေခံသတင်းရေးသားနည်းသင်တန်းကို ၁၅.၆.၂၀၂၂ ရက်နေ့တွင် မန္တလေးတိုင်းဒေသကြီးအစည်းအဝေးခန်းမတွင် နေ့လည် (၁၃:၀၀) နာရီမှ (၁၆:၀၀) နာရီအထိ ကျင်းပပြုလုပ်ခဲ့ပါသည်။
သင်တန်းတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိဦးထွန်းထွန်းနိုင်မှ လာရောက်ပို့ချခဲ့ပြီး သတင်းအမျိုးအစားများ၊ သတင်းဆောင်းပါးတွင် ရေးသားဖော်ပြသည့် အကြောင်းအရာ၏ နောက်ခံသမိုင်းကြောင်းအရေးကြီးပုံများ၊ သတင်းတွင် အဓိကပါဝင်ရမည့် အချက်များ ၊ သတင်း၏ အခြေခံဖွဲ့စည်းတည်ဆောက်ပုံ၊ သတင်းရေးသားရာတွင် လိုက်နာရမည့် အချက်များ၊ ရှောင်ကြဉ်ရမည့်အချက်များနှင့် သတင်းအခန်းကဏ္ဍ၏ အရေးပါပုံများကို အကျယ်တဝင့်ရှင်းလင်းဆွေးနွေးခဲ့ပြီး သင်တန်းသား/သင်တန်းသူ (၁၄) ဦး တက်ရောက်ခဲ့ကြပါသည်။
DOCA(မန္တလေး)