စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီးဦးစီးမှူးရုံး၏ ကြီးကြပ်မှုဖြင့် မုံရွာမြို့ရှိ ဆန်/ဆီကုန်သည်များက ငလျင်ဘေးဒဏ်သင့် စစ်ကိုင်းမြို့ရှိ ပြည်သူများသို့ ဆန်၊ ဆီ၊ ကြက်သွန်နီ၊ အသားတု၊ ဟင်းသီးဟင်းရွက်နှင့် ကုန်မျိုးစုံအား သက်သာသော ဈေးနှုန်းဖြင့် (၆)ရက်မြောက် နေ့အဖြစ် ရောင်းချပေးလျက် ရှိပါသည်။
၂၀၂၅ ခုနှစ်၊ မတ်လ ၃၁ ရက်နေ့မှ ဧပြီလ ၄ ရက်နေ့အထိ ဈေးကား(၂) စီးဖြင့် နံနက်ပိုင်း တွင်(၁) ကြိမ်နှင့် မွန်းလွဲပိုင်းတွင် (၁)ကြိမ်စီ ရောင်းချပေးလျက်ရှိပြီး ယနေ့ထိ ဆန်( ၁၃၉ )အိတ်၊ ဆီ ( ၂၄၂၇ ) ပိဿာ ၊ ကြက်သွန်နီ(၁၉၃)ပိဿာ၊ ရေသန့် ၁ လီတာဘူး (၂၀၀ ) ကဒ်တို့ကို ရောင်းချ ပေးခဲ့ပြီးဖြစ်ပါသည်။
ထို့သို့ရောင်းချရာတွင် ငလျင်ဘေးဒဏ်သင့်ပြည်သူများ အလွယ်ကူဆုံး လာရောက်နိုင်မည့် နေရာများဖြစ်သော နှစ်(၇၀၀)ကွင်းအရှေ့၊ စကုမော်ကျောင်း၊ အိုးအိမ်တိုက်တန်း၊ ခရိုင်စိုက်ပျိုးရေးနှင့် အပူပိုင်းစိမ်းလန်းစိုပြေရေးရုံး၊ စည်းခုံကြီးဘုရာ၊ စစ်ကိုင်းတက္ကသိုလ်၊ မြို့နယ်ရဲတပ်ဖွဲ့ရုံး၊ ခရိုင်လျှပ်စစ်ရုံး၊ ပညာရေးတက္ကသိုလ်၊ ရွှေမင်းဝံရပ်၊ ထုံးဘိုရပ်၊ ဇေယျာရပ်ကွက်များတွင် အလှည့်ကျ သွားရောက် ရောင်းချပေးလျက်ရှိကြောင်း သိရှိရပါသည်။
DOCA(စစ်ကိုင်း)