စားသုံးသူရေးရာဦးစီးဌာန၊ သုံးခွမြို့နယ်တာဝန်ခံ ဒေါ်စန်းစန်းမော်သည် မေလ(၇) ရက်နေ့၊ နေ့လယ် (၁၂:၃၀)နာရီအချိန်တွင် သုံးခွမြို့နယ် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနရုံးတွင် စားသုံးသူကာကွယ်ရေး အသိပညာပေး ဟောပြောခဲ့ကြောင်း သိရသည်။
အဆိုပါ ဟောပြောပွဲတွင် ပြန်ကြားရေးနှင့်ပြည်သူ့ဆက်ဆံရေးနှင့် စားသုံးသူရေးရာဦးစီးဌာန တို့ပူးပေါင်း၍ လူငယ်ရေးရာ အသိပညာပေး ဟောပြောပွဲကျင်းပခဲ့ရာ ရှေးဦးစွာ ပြန်ကြားရေးနှင့် ပြည်သူ့ဆက်ဆံရေး ဦးစီးဌာန ဦးစီးအရာရှိ ဒေါ်တင်တင်ထွေးမှ အသိပညာပေး ဟောပြောပွဲ ကျင်းပ ရခြင်း၏ ရည်ရွယ်ချက်နှင့် အသိပညာ ဗဟုသုတ တိုးပွားစေရန် စာပေများအား ဖတ်ရှု့လေ့လာကြရန်၊ မိမိရုံးတွင် နွေရာသီ အင်္ဂလိပ်စာအခြေခံ သင်တန်းဖွင့်လှစ် သင်ကြားပေးနေ၍ အထူးဂရုပြု လေ့လာမှတ်သားကြရန် အသိပညာပေးပြောခြင်း၊ စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်စန်းစန်းမော်သည် ဌာန၏ဆောင်ရွက်နေသည့် လုပ်ငန်းများအကြောင်း၊ စားသုံးသူအခွင့်အရေးနှင့် နစ်နာ ဆုံးရှုံးမှုများရှိပါက တိုင်ကြားနိုင်သည့် နည်းလမ်းများ၊ ကုန်အညွှန်းအမှတ်အသား ဖော်ပြခြင်းဆိုင်ရာ ကိစ္စရပ်များနှင့် စပ်လျဉ်း၍ သိရှိရမည့် အခြေခံအချက်အလက်များအကြောင်း ဘေးအန္တရာယ်ကင်းရှင်းစေရေးအတွက် ကုန်စည်များအား ဈေးကွက်မရောက်မီနှင့် ဈေးကွက်ရောက်ပြီး ကုန်စည်များအား ဈေးကွက်စောင့်ကြည့် စစ်ဆေးခြင်းလုပ်ငန်းများ ဆောင်ရွက်လုပ်ကိုင်နေရကြောင်းနှင့် ကုန်စည်များအား ရွေးချယ်ဝယ်ယူတတ်စေရေး အသိပညာပေး ဟောပြောဆွေးနွေးခဲ့ကြောင်း သိရသည်။ ထိုအသိပညာပေး ဟောပြောဆွေးနွေးပွဲတွင် နွေရာသီအင်္ဂလိပ်စာ အခြေခံသင်တန်း တက်ရောက်နေသည့် ကျောင်းသား/ကျောင်းသူ (၂၇)ဦး တက်ရောက်ခဲ့ကြောင်း သိရသည်။
DOCA(ရန်ကုန်)