(၅.၅.၂၀၂၅) ရက်နေ့၊ နံနက် (၁၁:၀၀) အချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒုခရိုင်ဦးစီးမှူး ဦးမျိုးအေးပါ(၃)ဦး၊ မြို့နယ်စည်ပင်သာယာရေး ဌာနမှဝန်ထမ်းများ ပူးပေါင်းပါဝင်လျက် ပြည်ပမှတင်သွင်းခွင့်ပြုထားသော ဘိလပ်မြေများနှင့် ပတ်သက်၍ အင်းစိန်မြို့နယ်၊ စော်ဘွားကြီးကုန်းနှင့်လမ်းသစ်လမ်းတို့ရှိ ဘိလပ်မြေ အရောင်းဆိုင်များသို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
ထိုသို့ ကွင်းဆင်းရာ၌ စော်ဘွားကြီးကုန်းရှိ မဟာဖန်တီးရှင်၊ ရတနာတောင်၊ အဲဗား၊ စံပြ ဘိလပ်မြေအရောင်းဆိုင်နှင့် လမ်းသစ်လမ်းရှိ Pr 1 ဆိုင်များသို့ ဘိလပ်မြေဈေးနှုန်းအခြေအနေ၊ လက်ကျန်အခြေအနေ၊ ဝင်ရောက်မှုအခြေအနေများအား စုံစမ်းမေးမြန်းခြင်းများ ပြုလုပ် ခဲ့ကြောင်းသိရှိရပါသည်။
DOCA(ရန်ကုန်)