စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူးရုံးမှ ခရိုင်ဦးစီးမှူးနှင့် စစ်ဆေးရေးအရာရှိ များသည် နံနက် (၉:၀၀) နာရီအချိန်တွင် အမှတ်(၁၇) ရက်ကွက်ရှိ သဲသဲလှုပ်အာလူးကြော် လုပ်ငန်းသို့ ထုတ်ကုန်လုံခြုံစိတ်ချရမှုရှိစေရန်နှင့် ကွင်းဆင်းဆောင်ရွက်ခဲ့ကြောင်းသိရှိရသည်။
ထိုသို့ကွင်းဆင်းဆောင်ရွက်ရာတွင် သဲသဲလှုပ်အာလူးကြော်လုပ်ငန်းရှင်အား လုပ်ငန်းထုတ် လုပ်မှုအခြေအနေအား မေးမြန်းဆွေးနွေးရာတွင် နေ့စဉ်အာလူးကုန်ကြမ်း ပိဿာချိန်(၁၆၀) ခန့် ကြော်ရကြောင်း၊ လုပ်ငန်းသုံးဆီ သုံးစွဲမှုအနေဖြင့် အချိန်(၃၀)ပိဿာ ကုန်ပြီး ထွက်ရှိမှုကုန်ချော ပိဿာ အာလူးကြော်(၂၅) ပိဿာရရှိကြောင်း၊ ဈေးကွက်ဖြန့်ဖြူးမှုအနေဖြင့် ရန်ကုန်၊ မန္တလေး၊ နေပြည်တော်နှင့်ပြင်ဦးလွင်မြို့များသို့ တင်ပို့ရကြောင်း၊ အာလူးကြော်လက်ကား တစ်ပိဿာလျှင် (၃၈၀၀၀)ကျပ်၊ လက်လီတစ်ပိဿာလျှင်(၄၀၀၀၀)ကျပ်ဖြင့် ရောင်းချရကြောင်း၊ ကုန်အညွှန်းအမှတ် အသားများ ပြည့်စုံစွာပါရှိရန်၊ ထုတ်ကုန်များလုံခြုံစိတ်ချရမှုရှိစေရေး၊ စီးပွားရေးလုပ်ငန်းရှင်အား ကုန်စည်နှင့်စပ်လျဉ်း၍ ဖော်ပြရမည့်အာမခံချက်များ ပြည့်စုံစွာဖော်ပြရန်စသည်တို့ကို ဆွေးနွေး ပြောကြားခဲ့ကြောင်းသိရှိရသည်။
DOCA(မန္တလေး)