စားသုံးသူများ ဘေးအန္တရာယ်ကင်းရှင်းပြီး ထုတ်ကုန်လုံခြုံစိတ်ချရမှုရှိစေရေး၊ ဘေးအန္တရာယ်ရှိသောကုန်စည်များ ဈေးကွက်အတွင်းမှ ပပျောက်စေရေးအတွက် မြစ်ကြီးနားမြို့ရှိ AA Medical Products Ltd နှင့်ဆေးဆိုင်(၇)ဆိုင်၏ သက်တမ်းလွန်ဆေးဝါးနှင့် ပျက်စီးဆေးဝါးများအား ၉.၅.၂၀၂၅ ရက်နေ့၊ (၁၀:၀၀) နာရီအချိန်တွင် မြစ်ကြီးနားမြို့၊ နန်ကျင်အမှိုက်ကျင်းမြေနေရာ၌ မီးရှို့ဖျက်စီးခဲ့ပါသည်။
အဆိုပါ သက်တမ်းလွန်ဆေးဝါးနှင့်ပျက်စီးဆေးဝါးများ မီးရှို့ဖျက်စီးမှုအား ကချင်ပြည်နယ် အစားအသောက်နှင့်ဆေးဝါးကြီးကြပ်ကွပ်ကဲရေးကော်မတီအဖွဲ့ဝင်များဖြစ်ကြသည့် ပြည်သူ့ကျန်းမာရေးဦးစီးဌာန၊အစားအသောက်နှင့်ဆေးဝါးကွပ်ကဲရေးဦးစီးဌာန၊စားသုံးသူရေးရာဦးစီးဌာန၊ စည်ပင်သာယာရေးအဖွဲ့များမှတာဝန်ရှိသူများ ပူးပေါင်းပါဝင်ဆောင်ရွက်ခဲ့ပြီး သက်တမ်းလွန်ဆေးဝါးနှင့် ပျက်စီးဆေးဝါး(၃၇၀)မျိုး၊ တန်ဖိုးငွေကျပ် (၄၁၈၈၄၂၄၈) မီးရှို့ဖျက်စီးခဲ့ကြောင်း သိရှိရပါသည်။
DOCA(ကချင်)