ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် ဈေးကွက်အတွင်းရှိ စည်သွပ် အစားအစာဘူး အမျိုးမျိုးတို့တွင် ကုန်အညွှန်းအမှတ်အသား ပြည့်စုံစွာဖော်ပြထားခြင်းရှိ/မရှိ ဧပြီလ(၆)ရက်နေ့၊ နံနက် (၁၀:၀၀)နာရီအချိန်တွင် ကော့မှူးမြို့နယ်ရပ်ကွက်များရှိ စားသောက် ကုန်ပစ္စည်း ဖြန့်ဖြူးရောင်းချလျက်ရှိသော ဈေးဆိုင်များသို့ ကွင်းဆင်းစစ်ဆေးခဲ့ကြောင်း သိရသည်။
ထိုသို့ ကွင်းဆင်းစစ်ဆေးခဲ့ရာတွင် မြို့နယ်စည်ပင်သာယာရေးအဖွဲ့မှ ဈေးတာဝန်ခံ ဦးအေးသွင်နှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းတို့သည် စည်ပင်လမ်း၊ ပြည်တော်သာရပ်ကွက်ရှိ ဦးထွန်းလွင် (ရတနာလွင်)ကုန်စုံဆိုင်နှင့် သခင်ကိုယ်တော်မှိုင်းလမ်း၊ မကျီးတန်းရပ်ကွက်ရှိ ဒေါ်ယဉ်ယဉ်မော် ကုန်ခြောက်ဆိုင်များတွင် စားသုံးသူပြည်သူများအား ဖြန့်ဖြူးရောင်းချလျက်ရှိသော စည်သွပ်အစားအစာဘူး အမျိုးမျိုးတို့တွင် ကုန်အညွှန်း အမှတ်အသား ဖော်ပြပါရှိရမည့် အချက်များ ပြည့်စုံစွာဖော်ပြထားခြင်းရှိ/မရှိ ပူးပေါင်းအဖွဲ့ဖြင့် ကွင်းဆင်းစစ်ဆေးခဲ့ပြီး ဆိုင်ပိုင်ရှင်စီးပွားရေးလုပ်ငန်းရှင်များ အနေဖြင့် ကုန်စည်အုပ်စု အလိုက်ဝယ်ယူဖြန့်ဖြူးရောင်းချရာတွင် အမျိုးအမည်၊ အရွယ်အစား၊ အရေအတွက်၊ အသားတင် ပမာဏ၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်း ဖော်ပြချက်၊ သုံးစွဲပုံနည်းလမ်း တို့အား ကုန်အညွှန်း အမှတ်အသားဖော်ပြရာတွင် မြန်မာဘာသာဖြင့် ဖော်ပြပါရှိသော စားသောက်ကုန်ပစ္စည်းများကိုသာ ဝယ်ယူ ဖြန့်ဖြူး ရောင်းချပေးကြရန် စားသုံးသူကာကွယ်ရေး အသိပညာပေး ဆွေးနွေးပြောကြားခဲ့ပြီး ဈေးကွက် စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။
DOCA(ရန်ကုန်)