ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံနှင့် စားသုံးသူအသိပညာပေးခြင်းများကို လစဉ်ဆောင်ရွက်လျက်ရှိရာ ဧပြီလ(၅)ရက်နေ့၊ နေ့လည် (၁၁:၀၀)နာရီအချိန်တွင် ကွမ်းခြံကုန်းမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံးတွင် စားသုံး သူများကို အသိပညာပေး ဟောပြောခြင်း ဆောင်ရွက်ခဲ့ကြောင်း သိရသည်။
အဆိုပါ အသိပညာပေး ဟောပြောခြင်းကို ပြန်ကြားရေးနှင့်ပြည်သူ့ဆက်ဆံရေး ဦးစီးဌာနက “ကလေးအလုပ်သမားများပပျောက်ရေး” အသိပညာပေး ဟောပြောပွဲတွင် ဟောပြောခဲ့ခြင်းဖြစ်ပြီး ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်နန့်ဆွေနွယ်ဦးက ကလေးအလုပ်သမား၏ အဓိပ္ပါယ်၊ ကလေး အလုပ်သမားပပျောက်ရေး ရည်မှန်းချက်(၃)ရပ်၊ ကလေးအလုပ်သမားများ၏ အသက်အရွယ်၊ အလုပ်ရှင်များအတွက် ကလေးသူငယ် အခွင့်အရေးဆိုင်ရာများကို ဆွေးနွေးခဲ့ပြီး စားသုံးသူရေးရာဦးစီး ဌာနမှ မြို့နယ်တာဝန်ခံ ဒေါ်နွယ်နွယ်အေးက ဟောပြောပွဲ တက်ရောက်သူများ၏ အသက်အရွယ်ကို ကြည့်၍ ကလေးများအတွက် လူငယ်အခွင့်အရေးရှိသကဲ့သို့ ကုန်စည်နှင့်ဝန်ဆောင်မှုများအတွက် လူတိုင်း ရနိုင်သော အခွင့်အရေးမှာ စားသုံးသူအခွင့်အရေးဖြစ်ကြောင်း၊ စားသုံးသူ၏အဓိပ္ပါယ်၊ စားသုံးသူ၏ အခွင့် အရေးနှင့် တာဝန်များ၊ ကုန်စည်များဝယ်ယူ အသုံးပြုရာတွင် ပါရှိရမည့် ကုန်အညွှန်းအမှတ်အသားများနှင့် စားသုံးသူအအခွင့်အရေး ချိုးဖောက်ခံရပါက တိုင်ကြား နိုင်သည့် နည်းလမ်းများကို ဟောပြော အသိပညာ ပေးခဲ့ကြောင်း သိရသည်။
အဆိုပါ အသိပညာပေး ဟောပြောပွဲသို့ မြို့နယ်အမျိုးသမီးရေးရာအဖွဲ့ဝင်များ၊ ပြန်ကြား ရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်နန့်ဆွေနွယ်ဦးနှင့် ဝန်ထမ်းများ၊ စားသုံး သူရေးရာဦးစီးဌာန မှ မြို့နယ်တာဝန်ခံ ဒေါ်နွယ်နွယ်အေးနှင့် ဝန်ထမ်းများ၊ ကျောင်းသား/ ကျောင်းသူများ အပါအဝင် စုစုပေါင်း (၄၀)ဦး တက်ရောက်ခဲ့ကြောင်း သိရသည်။
DOCA(ရန်ကုန်)