ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့်အညီ ဈေးကွက်အတွင်း အခြေခံစားသောက်ကုန်ဈေးနှုန်းများကို စုံစမ်းစိစစ်နိုင်ရန် မြို့နယ်စည်ပင်သာယာရေးအဖွဲ့နှင့် ပူးပေါင်း၍ ဧပြီလ (၇)ရက်နေ့၊ နံနက် (၀၉:၀၀)နာရီအချိန်တွင် ကွမ်းခြံ ကုန်းမြို့နယ် မြို့မဈေးတွင် ကွင်းဆင်းစိစစ်ခဲ့ကြောင်း သိရသည်။
ထိုသို့ ကွင်းဆင်းစိစစ်ရာတွင် အခြေခံစားသောက်ကုန်များဖြစ်သော ဆန်ဈေးနှုန်းများကို ဆိုင်အမှတ် (၅၆) ဦးသန်းအေးနှင့်ဒေါ်အေးလှိုင် ဆန်ဆိုင်၊ ဆိုင်အမှတ်(၆၀) ဒေါ်အေးအေးနိုင် ဆန်ဆိုင်များသို့လည်းကောင်း၊ ဆီဈေးနှုန်းများကို ဆိုင်အမှတ်(၅/၆) ဒေါ်ရီရီဆန်းဆိုင်မှ လည်းကောင်း၊ ကြက်သွန်နီ၊ ကြက်သွန်ဖြူ၊ ငရုပ်သီးပု၊ ငရုပ်ရှည်၊ အာလူး၊ ကုလားပဲ၊ ဆား၊ သကြား စသည့် ဈေးနှုန်းများကို ဆိုင်အမှတ် (၃/၄) ဒေါ်မာမာစိုး ကုန်စုံဆိုင်မှလည်းကောင်း၊ အသား၊ ငါးဈေးနှုန်းများအနေဖြင့် ငါးကြင်း၊ ငါးမြစ်ချင်း ဈေးနှုန်း များကို ငါးတန်း ဒေါ်အေးအေးမော် ငါးမြစ်ချင်း၊ ငါးကြင်းရောင်းဝယ်ရေးဆိုင်မှလည်းကောင်း၊ ကြက်သား ဈေးနှုန်းများကို ဒေါ်စန္ဒာဆိုင်မှလည်းကောင်း၊ ဝက်သားဈေးနှုန်းကို ဦးအောင်လင်းထိုက် ဆိုင်မှလည်းကောင်း၊ အမဲသားဈေးနှုန်းကို ဒေါ်မိုးမြင့်ဝေဆိုင်မှလည်းကောင်း မေးမြန်းစုံစမ်း စိစစ်ခဲ့ကြပြီး ကြက်ဥ၊ ဘဲဥဈေးနှုန်းများကို ဒေါ်ခင်အုန်းမြင့်ဆိုင်မှလည်းကောင်း မေးမြန်းစုံစမ်း စိစစ်ခဲ့ကြောင်း သိရသည်။
ထိုသို့ မေးမြန်းစုံစမ်းစိစစ်ရာတွင် ဆန်ဈေးနှုန်း၊ ဆီဈေးနှုန်းများမှာ ယခင်တစ်ပတ်ထက် ဈေးကျ နေကြောင်း တွေ့ရှိရပြီး ကြက်သွန်၊ ငရုပ်၊ အာလူး၊ ကုလားပဲ၊ ဆား၊ သကြား၊ ကြက်ဥ၊ ဘဲဥ၊ အသားနှင့်ငါး စသည့်ဈေးနှုန်းများမှာ ယခင်တစ်ပတ်နှင့် ဈေးနှုန်းညီစွာ ရောင်းချနေ ကြောင်း သိရသည်။
စားသုံးသူရေးရာဦးစီးဌာန အနေဖြင့် ဆန်ဈေးနှုန်းတည်ငြိမ်စေရေး၊ ဈေးနှုန်းမြင့်တင်မှု မရှိစေရေး၊ ပစ္စည်းပြတ်လပ်မှုမှရှိစေရေး၊ စားသုံးသူများ ဘေးအန္တရာယ်ကင်းရှင်းပြီး စိတ်ချ လုံခြုံမှုရှိစေရေးတို့ကို ဆောင်ရွက်လျက်ရှိရာ စားသုံးသူရေးရာဦးစီးဌာန ကွမ်းခြံကုန်းမြို့နယ် တာဝန်ခံ ဒေါ်နွယ်နွယ်အေးက ရောင်းချသူလုပ်ငန်းရှင်များအား ဈေးနှုန်းမြင့်တင်မှုမရှိစေရေး၊ ပစ္စည်းပြတ်လပ်မှုမရှိစေရေးတို့အား တွေ့ဆုံ ဆွေးနွေး မှာကြားခဲ့ကြောင်း သိရသည်။
အဆိုပါ ကွင်းဆင်းစစ်ဆေးမှုများ ဆောင်ရွက်ရာတွင် ကွမ်းခြံကုန်းမြို့နယ် စည်ပင် သာယာမြို့မဈေး တာဝန်ခံ ဦးဇော်အေးမင်း၊ ကျန်းမာရေးမှူး ဦးထွန်းထွန်း၊ စားသုံးသူရေးရာ ဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေး နှင့် ဌာနခွဲစာရေး ဦးတင်ထွန်းဦးတို့ ပူးပေါင်း၍ ကွင်းဆင်း ဆောင်ရွက်ခဲ့ကြောင်းသိရသည်။
DOCA(ရန်ကုန်)