ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်၌ ဆန်လက်လီလက်ကား ရောင်းချနေသော ဆန်ဆိုင်များတွင် သတ်မှတ်ရည်ညွှန်းဈေးများနှင့်အညီ ရောင်းချနိုင်ရေးနှင့် ဈေးနှုန်းမြှင့်တင် ရောင်းချမှုမရှိ စေရေးအတွက် ခရမ်းမြို့နယ် ရဲတပ်ဖွဲ့မှူး ရဲမှူးကျော်စိုး၊ မြို့နယ်အထွေထွေအုပ်ချုပ်ရေးဦးစီးဌာန ဒုတိယဦးစီးမှူး ဦးစိုးမိုးအောင်၊ စားသုံးသူရေးရာ ဦးစီးဌာန မြို့နယ်တာဝန်ခံတို့ ပါဝင်သော ပူးပေါင်းအဖွဲ့ဖြင့် ဆန်ဆိုင် များသို့ ဧပြီလ (၄)ရက်နေ့၊ နေ့လည် (၁၁:၃၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရသည်။
စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ စားသုံးသူရေးရာဦးစီးဌာနသည် စားသုံးသူပြည် သူများ ဆန်ဈေးနှုန်းကြီးမြှင့်မှုမရှိစေဘဲ ဆန်ဈေးနှုန်းမှန်ကန်စွာဖြင့် လွယ်ကူစွာ ဝယ်ယူစားသုံးနိုင်စေရန်အတွက် သင့်တင့်မျှတသော ဆန်ရည်ညွှန်းဈေးများကို လစဉ်ထုတ်ပြန် ပေးလျှက်ရှိရာ ဧပြီလ၏ ဆန်သတ်မှတ် ရည်ညွှန်းဈေးအတိုင်းဖြင့် ရောင်းချမှုရှိစေရေးအတွက် ခရမ်းမြို့နယ်အတွင်းရှိ ဆန်ဆိုင်များ ဖြစ်သော ရွှေခြင်္သေ့ဆန်ဆိုင်၊ ဒေါ်သောင်းသောင်းဆန်ဆိုင် နှင့် ပြည့်ဝဆန်ဆိုင်များတွင် ရောင်းချနေသော ဆန်ကြမ်း၊ ဆန်ချောများ၏ (၁)ပြည်ဈေး၊ (၁)အိတ်ဈေးနှုန်းများအား ပူးပေါင်းအဖွဲ့ဖြင့် ကောက်ယူစစ်ဆေးခဲ့ရာ ဧပြီလ သတ်မှတ် ဆန်ဈေးများအတိုင်း ရောင်းချလျှက်ရှိသည်ကို တွေ့ရှိရပြီး စားသုံးသူရေးရာဦးစီးဌာန ခရမ်း မြို့နယ်တာဝန်ခံက ဆန်များရောင်းချရာတွင် လစဉ်ထုတ်ပြန်သည့် ဆန်ရည်ညွှန်းဈေးများ၊ စည်းကမ်းချက်များနှင့်အညီ ရောင်းချရန်၊ ဈေးပို၍မြှင့်တင်ရောင်းချခြင်း၊ အရည်အသွေး မမှန်မကန် ရောင်းချခြင်းများရှိပါက အရေးကြီးကုန်စည်နှင့် ဝန်ဆောင်မှု ဥပဒေပုဒ်မအရ တရားဆွဲဆိုခြင်း၊ ဒဏ်ငွေနှင့် အခွန်ငွေ သတ်မှတ်ပေးဆောင်ခြင်း စသည့်ထိရောက်စွာ အရေးယူမှုများ ပြုလုပ်လျှက်ရှိကြောင်း ဆန်အရောင်းဆိုင် ပိုင်ရှင်များမှ အလေးထား၍ လိုက်နာဆောင်ရွက်ကြရန် အသိပေးခဲ့ကြောင်း သိရသည်။
DOCA(ရန်ကုန်)