၂၀၂၅ ခုနှစ်၊ ဧပြီလ ၉ ရက်နေ့၊ နံနက်(၁၀း၀၀) နာရီအချိန်တွင် တနင်္သာရီတိုင်းဒေသကြီး အစိုးရအဖွဲ့ရုံး၊ ၃ ထပ်ဆောင် အစည်းအဝေးခန်းမ၌ တနင်္သာရီတိုင်းဒေသကြီး၏ ၂၀၂၅-၂၀၂၆ ဘဏ္ဍာရေးနှစ်၊ ဒေသန္တရစီမံကိန်း တာဝန်ပေးအပ်ပွဲအခမ်းအနားသို့ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး မှ တက်ရောက်ခဲ့ပါသည်။
အဆိုပါ အခမ်းအနားတွင် တနင်္သာရီတိုင်းဒေသကြီးအစိုးရအဖွဲ့ဝန်ကြီးချုပ်မှ အဖွင့်အမှာ စကားပြောခြင်း၊ စီးပွားရေးရာဝန်ကြီး၊ စီမံကိန်းရေးဆွဲအကောင်အထည်ဖော်ရေးကော်မတီဥက္ကဋ္ဌ ၂၀၂၅-၂၀၂၆ ဘဏ္ဍာရေးနှစ် စီမံကိန်းအခြေအနေအား ပြောကြားကာ တိုင်းဒေသကြီးစီမံကိန်းရေးဆွဲ ရေးဦးစီးဌာန၊ ညွှန်ကြားရေးမှူး၊ စီမံကိန်းရေးဆွဲအကောင်အထည်ဖော်ရေးကော်မတီအတွင်းရေးမှူး မှ စီမံကိန်းတာဝန်ပေးအပ်သည့် ကဏ္ဍများအားရှင်းလင်း ပြောကြားခဲ့ပါသည်။ ထို့နောက် ဝန်ကြီးချုပ် မှ ၂၀၂၅-၂၀၂၆ ဘဏ္ဍာရေးနှစ် ဒေသန္တရစီမံကိန်းတာဝန်များအား သက်ဆိုင်ရာသို့ပေးအပ်ခဲ့ပြီး အခမ်း အနားအား နံနက် (၁၁း၀၀)နာရီ အချိန်တွင် ပြီးမြောက်ခဲ့ကြောင်း သိရှိရပါသည်။
DOCA(တနင်္သာရီ)