စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့၏ကျက်သရေဆောင် မဟာရွှေစည် ကြီးစေတီတော်၌ ကဆုန်လပြည့်နေ့ ဗုဒ္ဓအခါတော်နေ့တွင် (၈၃)ကြိမ်မြောက် ဆွမ်းဆန်စိမ်းလောင်း လှူပွဲကို မေလ ၁၁ ရက် နံနက် (၀၈:၃၀) နာရီခွဲတွင် စေတီတော်ကွင်းအတွင်း ကျင်းပပြုလုပ်ပြီး အဆိုပါ စေတီတော်မြတ်ကြီးအတွင်းရှိ မဟာဗောဓိပင်များအား မေလ ၁၁ ရက် ညနေ (၁၆:၀၀) နာရီ အချိန်တွင် ကဆုန်လပြည့်နေ့ (ဗုဒ္ဓနေ့)တွင် ညောင်ရေသွန်းလောင်းပွဲ ပြုလုပ်ခဲ့ကြောင်း သိရသည်။
အဆိုပါဆွမ်းဆန်စိမ်းလောင်းလှူပွဲတွင် စားသုံးသူရေးရာဦးစီးဌာန၊ ကန့်ဘလူခရိုင်ဦးစီးမှူးရုံး အနေဖြင့်လည်း ပါဝင်လောင်းလှူခဲ့ကြောင်း၊ ကဆုန်လပြည့်နေ့ ဗုဒ္ဓအခါတော်နေ့တွင် ဆွမ်းဆန်စိမ်း လောင်းလှူပွဲ၌ သံဃာတော်(၂၉၀)ပါး၊ သီလရှင်ဆရာလေး စုစုပေါင်း(၃၂၀)ပါးခန့်အား ခရိုင်/မြို့နယ် အဆင့်ဌာနဆိုင်ရာများ၊ ရပ်ကွက်နေပြည်သူများက စုပေါင်းလောင်းလှူခဲ့ပါကြောင်း၊ ညနေပိုင်း အချိန်တွင် ကန့်ဘလူမြို့၏ ကျက်သရေဆောင် မဟာရွှေစည်ကြီးစေတီတော်မြတ်ကြီး အတွင်းရှိ မဟာဗောဓိပင်များအား ကန့်ဘလူမြို့သူ/သားများက ညောင်ရေသွန်းလောင်းခြင်း၊ ဗုဒ္ဓရုပ်ပွားတော် များအား ရေသပ္ပာယ်ခြင်း၊ ရွှေသင်္ကန်းကပ်လှူခြင်း၊ ပန်းကပ်လှူဒါန်းခြင်း၊ သောက်တော်ရေချမ်း ကပ်လှူခြင်းနှင့် ငါးစာကျွေး ကောင်းမှုကုသိုလ်များပြုလုပ်ခြင်းဆောင်ရွက်ကြပြီး လာရောက်သူများ ကိုလည် ဖျော်ရည်အအေးတိုက်ခြင်း၊ မြန်မာ့ရိုးရာ အိုးစည်ဒိုးပတ်များဖြင့် သီဆို၍ ပျော်ရွှင် ချမ်းမြေ့စွာ ကျင်းပဆောင်ရွက်ခဲ့ကြောင်း သတင်းရရှိပါသည်။
DOCA(စစ်ကိုင်း)