ဧရာဝတီတိုင်းဒေသကြီး၊ ဖျာပုံခရိုင် ဒေးဒရဲမြို့နယ် စားသုံးသူရေးရာဦးစီးဌာန မြို့နယ်တာဝန်ခံ သည်၂၀၂၅ ခုနှစ်၊ ဧပြီလ (၆) ရက်နေ့၊ နံနက်(၁၁:၀၀) နာရီအချိန်တွင် မြို့နယ်ဆန်စက်လုပ်ငန်းရှင်များ အသင်းရုံး၌ ဆန်စပါးကုန်သည်များအား စားသုံးသူကာကွယ်ရေး အသိပညာပေးဟောပြောမှုကို ဆောင်ရွက်ခဲ့ပါသည်။
ဟောပြောပွဲတွင် ဒေးဒရဲမြို့နယ် စားသုံးသူရေးရာဦးစီးဌာန မြို့နယ်တာဝန်ခံ ဦးသိန်းမောင်မှ စားသုံးသူကာကွယ်ရေးအတွက် မိမိဌာန၏ဆောင်ရွက်နေမှုအခြေအနေ၊ စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏ တာဝန်များ၊ ကုန်စည်များတွင်ပါရှိရမည့် ကုန်အညွှန်းအမှတ်အသား ဆိုင်ရာ ဖော်ပြချက်များ၊ စားသုံးသူနစ်နာမှုများအပေါ် တိုင်ကြားနိုင်မှုအခြေအနေများကို အသိပညာပေး ဟောပြောခဲ့ပါသည်။
DOCA(ဧရာဝတီ)