၉.၅.၂၀၂၅ ရက်နေ့ (၁၅:၀၀) နာရီအချိန်က ပန်းတနော်မြို့နယ် စားသုံးသူရေးရာဦးစီးဌာန၊ မှ တာဝန်ရှိသူများသည် ပန်းတနော် စားအုန်းဆီရောင်းချသူလုပ်ငန်းရှင်များကို မြို့နယ်တာဝန်ခံရုံးသို့ ဖိတ်ကြား၍ စားအုန်းဆီများ မြို့နယ်အတွင်း ရောင်းချရာတွင် သက်မှတ်ရည်ညွှန်းစျေးဖြင့်ရောင်းချရန်၊ ဗီနိုင်းများနေ့စဉ်ချိတ်ဆွဲ ရောင်းချရန်အသိပညာပေးဟောပြောမှု ပြုလုပ်ခဲ့သည်။
ဟောပြောဆွေးနွေးရာတွင် မြို့နယ်တာဝန်ခံရုံးမှ ဦးအောင်ကျော်သက် စားအုန်းဆီရောင်းချမှုနှင့် ပတ်သက်၍ ဦးစီးဌာနမှ လမ်းညွှန်းချက်များကို စီးပွားရေးလုပ်ငန်းရှင်များသိရှိနိုင်ရန် ဖတ်ကြားရှင်းလင်းခဲ့ပြီး နေ့စဉ်စားအုန်းဆီလာ ရောက်ဝယ်ယူသူများကို သတ်မှတ်ရည်ညွှန်းဈေးအတိုင်း ဈေးနှုန်းဖော်ပြ၍ ရောင်းချရန်၊ ဆီများကို ဈေးမြင်တင်ရန်အတွက် အပြည့်အဝမရောင်းချခြင်းမျိုး မပြုလုပ်ရန်၊ အပတ်စဉ်ဆီရောင်းချမှုအခြေအနေများကို စစ်ဆေးရေးအဖွဲ့မှ ကြပ်မတ်ဆောင်ရွက်မည်ဖြစ်၍ အထူးဂရုပြုလိုက်နာဆောင်ရွက်၍ ရောင်းချရန်ကို ဆွေးနွေးခဲ့ပြီး စားအုန်းဆီရောင်းချသောလုပ်ငန်းရှင်အသင်း (၄၀)ဦးတက်ရောက်ခဲ့ကြောင်း သိရသည်။
DOCA(ဧရာဝတီ)