စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်း ဒေသကြီး၊ ပခုက္ကူခရိုင်ဦးစီးမှူးရုံးမှ ဆိပ်ဖြူမြို့နယ်တာဝန်ခံသည် တိုင်းဒေသကြီးဦးစီးမှူး၏ လမ်းညွှန်မှုနှင့် ပခုက္ကူခရိုင်ဦးစီးမှူးကြီးကြပ်မှုဖြင့် (၉.၅.၂၀၂၅)ရက်နေ့၊ နံနက်(၀၉:၀၀)နာရီအချိန် တွင် ဆိပ်ဖြူမြို့ပေါ်ရှိ စားသောက်ဆိုင်များသို့ သွားရောက်၍ မိတ်ဖက်ဌာနဆိုင်ရာများနှင့်ပူးပေါင်း၍ အစားအသောက်ရောင်းချသည့်ဆိုင်များသို့ ဝန်ဆောင်မှုကဏ္ဍနှင့်စပ်လျဉ်း၍ ကွင်းဆင်းစစ်ဆေးခဲ့ ကြောင်း သိရသည်။
ထိုသို့ ကွင်းဆင်းစစ်ဆေးရာတွင် ဆိပ်ဖြူမြို့နယ်တာဝန်ခံနှင့် ပူးပေါင်းအဖွဲ့များသည် အစား အသောက်ရောင်းချသည့် လုပ်ငန်းရှင်များအား မိမိတို့ရောင်းချသော စားသောက်ဆိုင်များတွင် အစားအသောက်ပြုပြင် ရောင်းချသည့်နေရာများ သန့်ရှင်းမှုရှိစေရန်၊ အစားအသောက်ကိုင်တွယ် ချက်ပြုတ် သူများ၊ ဝန်ဆောင်မှုပေးသူများ၏ တစ်ကိုယ်ရေသန့်ရှင်းမှုများရှိစေရန်၊ အစားအသောက်များ လတ်ဆတ်မှုရှိစေရန်၊ မိမိတို့ဆိုင်များမှ ပေးအပ်သည့်ဝန်ဆောင်မှုနှင့်စပ်လျဉ်း၍ စားသုံးသူများအား လုံလောက်သည့် သတင်းအချက်အလက်များကို အသိပေးဖော်ပြစေရန်၊ စားသောက်ဖွယ်ရာများ၏ အမျိုးအစား၊ အရွယ် အစားပမာဏအလိုက် ဈေးနှုန်းများအား ပွင့်လင်းမြင်သာစွာ ကြိုတင်အသိပေးဖော်ပြထားရန် လိုအပ်ကြောင်း၊ စားသုံးသူများမှ မှာယူသုံးစွဲသော ပစ္စည်းများမှာ သန့်ရှင်းသပ်ရပ်စေရန်နှင့် မိမိတို့ ချက်ပြုတ်ရာတွင် အသုံးပြုသော အစားအသောက်များ၊ ဟင်းသီးအရွက်များအား အဝတ်စများဖြင့် လုံခြုံစွာဖုံးအုပ်၍ ထားရှိရန်နှင့် ဖုံးအုပ်ထားသော အစများသည် သန့်ရှင်းသပ်ရပ်မှုရှိစေရန် လိုအပ်ကြောင်း၊ သို့မှသာ စားသုံးသူ၏ အခွင့်အရေးများ ရရှိလာမည်ဖြစ်ပြီး စားသောက် ဆိုင်၏ ဂုဏ်သတင်းများမှာလည်း ကျော်ကြားလာမည်ဖြစ်ကြောင်း၊ အစားအသောက် ဝန်ဆောင်မှု ကဏ္ဍ ကောင်းမွန်လာမည်ဖြစ်ကြောင်း အသိပညာပေး ဆွေးနွေးခဲ့ကြောင်း သိရသည်။
DOCA(မကွေး)