စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ခရိုင်ဦးစီးမှူးဦးလှစိုးနှင့် ဝန်ထမ်းများ၊ သက်ဆိုင်ရာအဖွဲ့များနှင့် ပူးပေါင်း၍ (၁၃-၅-၂၀၂၅) ရက်နေ့တွင် လမ်းမတော်မြို့နယ် အတွင်းရှိ ဆန်သိုလှောင်ရုံများသို့ သွားရောက်၍ ဆန်ရောင်းချမှုအခြေအနေများ စစ်ဆေးဆောင်ရွက်ခဲ့ပါသည်။
ထိုသို့စစ်ဆေးခဲ့ရာတွင် စားသုံးသူရေးရာဦးစီးဌာနမှဦးလှစိုးက ဆိုင်အတွင်း ရောင်းချနေသော ရွှေဘိုပေါ်ဆန်း၊ ကြားပျံ၊ ဧရာပေါ်ဆန်းစသည့် ဆန်များ၏ ၁ပြည်၊ ၁အိတ် ရောင်းချသည့် ဈေးနှုန်း များနှင့် ဆန်အိတ်လက်ကျန်များစစ်ဆေးခဲ့ပြီး သိုလှောင်ရုံများလုပ်ငန်းများ စိစစ်ရာတွင် MyRO မှတ်ပုံတင်ထားခြင်း ရှိ / မရှိ နှင့် မှတ်ပုံတင်ထားသော လစဉ် လချုပ်စာရင်းများကို လဆန်း (၇) ရက် နောက်ဆုံးထား၍ စာရင်းသွင်းရန် ကိစ္စတို့ကိုပါ စိစစ်ခဲ့ကြောင်း သိရှိရပါသည်။
DOCA (ရန်ကုန်)