အများပြည်သူများ လိုအပ်ချက်အရ အသုံးပြုနေသော ကုန်စည်များကို ဘေးအန္တရာယ်ကင်းရှင်းစွာ အသုံးပြုနိုင်ရန်အတွက် စားသုံးသူရေးရာဦးစီးဌာနမှ ဈေးကွက်အတွင်းကုန်စည်များ ထုတ်ကုန်လုံခြုံစိတ်ချရမှု ရှိစေ သတ်မှတ်ချက်များနှင့်အညီ ဈေးကွက်ဖြန့်ိရောင်းချမှု ရှိ/မရှိကို စစ်ဆေးရေးအရာရှိများက ကုန်စည် ၁၀မျိုး သတ်မှတ်၍ အပတ်စဉ် ကွင်းဆင်းစစ်ဆေးဆောင်ရွက်လျက်ရှိသည်။
စစ်ဆေးရာတွင် ပန်းတနော်မြို့နယ် ဦးစီးမှူးရုံးမှ တာဝန်ရှိသူ ဦးအောင်ကျော်သက်မှ မြို့နယ် စည်ပင်သာယာရေး အဖွဲ့နှင့်အတူ ၁၂-၅-၂၀၂၅ ရက်နေ့ နံနက် (၁၀၀၀)နာရီအချိန်က ပန်းတနော် မြို့နယ် မြို့မ ဈေးအတွင်းနှင့် ရပ်ကွက်များအတွင်း ရေသန့်အမျိုးမျိုးရောင်းချနေသော ဆိုင်(၅)ဆိုင်မှ ရောင်းချနေသော ရေသန့်ဗူးများတွင် ကုန်အညွှန်းအမှတ်အသား ပြည်စုံစွာပါဝင်မှု ရှိ/မရှိကို စစ်ဆေးခဲ့ကြပြီး မြို့နယ်အတွင်းတွင် ရေသန့်အမျိုးအစား Asia , Green Hills , Real ရေသန့်ကိုသာရောင်းချနေကြပြီး ၎င်းရေသန့်များသည် သတ်မှတ်ချက်နှင့်အညီ ကိုက်ညီမှုရှိပြီး ကုန်အညွှန်းအမှတ် အသားပြည့်စုံကြောင်း စစ်ဆေးတွေ့ရှိရပြီး လုပ်ငန်းရှင်များကို ကုန်ဈေးနှုန်း တည်ငြိမ်စွာရောင်းချနိုင်ရေး သင့်တင်မျှတသော ဈေးဖြင့်ရောင်းချနိုင်ရန် စီးပွားရေးလုပ်ငန်းရှင်တာဝန်များကိုပါ ရှင်းလင်းပြောကြားခဲ့ကြောင်း သတင်းရရှိပါသည်။
DOCA(ဧရာဝတီ)