ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ညောင်လေးပင်ခရိုင်ဦးစီးမှူးရုံးအနေဖြင့် ကုန်ဈေးနှုန်းတည်ငြိမ်ရေး၊ စားသုံးသူကာကွယ်ရေးလုပ်ငန်းများကို အင်တိုက်အားတိုက် ဆောင်ရွက်လျက်ရှိရာ ၁၆.၅.၂၀၂၅ ရက်နေ့တွင် “အားမာန်သစ်” ကိတ်နှင့် မုန့်မျိုးစုံလုပ်ငန်းသို့ သွားရောက် စစ်ဆေးခဲ့ကြောင်း သတင်းရရှိပါသည်။
ညောင်လေးပင်ခရိုင်ဦးစီးမှူးရုံးမှ ခရိုင်ဦးစီးမှူး ဦးရဲမင်းထွဋ်၊ ဌာနခွဲစာရေး ဒေါ်ကြည်ကြည် ထွန်းတို့သည် ညောင်လေးပင်မြို့နယ် ဖအောင်းကျေးရွာရှိ “အားမာန်သစ်” ကိတ်နှင့် မုန့်မျိုးစုံလုပ်ငန်းသို့ ကွင်းဆင်းစစ်ဆေးခဲ့ရာ ခရိုင်ဦးစီးမှူးက ကိတ်နှင့်မုန့်ထုပ်များတွင် မြန်မာဘာသာဖြင့် ကုန်အညွှန်းအမှတ်အသားများအား ပြည့်စုံဖော်ပြထားရန်၊ ကိတ်နှင့်မုန့်မျိုးစုံတို့အား စနစ်တကျ ထုပ်ပိုးရန်၊ သန့်ရှင်းမှုကို အလေးထားရန်နှင့် လုပ်ငန်းရှင်အား စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်များ၏ တာဝန်များ၊ တားမြစ်ချက်များနှင့် ပြစ်မှုပြစ်ဒဏ်များ အကြောင်းကို ဟောပြောရှင်းပြခဲ့ကြောင်း သိရှိရပါသည်။ “အားမာန်သစ်” ကိတ်နှင့် မုန့်မျိုးစုံ ထုတ်လုပ်သည့် လုပ်ငန်းတွင် ကုန်ကြမ်းများအဖြစ် ဂျုံ၊ သကြား၊ ဆီ၊ ပွဆေးနှင့် ကိတ်နုဆေးတို့ကို အသုံးပြုကြောင်း၊ ကိတ်နှင့် မုန့်မျိုးစုံတို့ကို ညောင်လေးပင်၊ ဒိုက်ဦး၊ ပဲခူး၊ ပြွန်တန်ဆာမြို့များသို့ ရောင်းချကြကြောင်း၊ မိသားစုတစ်ပိုင်တစ်နိုင်စီးပွားရေးလုပ်ငန်းဖြစ်ကာ လျှပ်စစ်မီးအခက်အခဲရှိကြောင်း သတင်းရရှိပါသည်။
DOCA(ပဲခူး)