ကျိုက်ထိုမြို့နယ်ရှိ လက်ကိုင်ဖုန်းနှင့် ဆက်စပ်ပစ္စည်းအရောင်းဆိုင်များသို့ ကွင်းဆင်းစစ်ဆေး

    ၁၈.၅.၂၀၂၅ ရက်နေ့ နံနက်ပိုင်းတွင် မွန်ပြည်နယ်၊ စားသုံးသူရေးရာဦးစီးဌာန၊ ကျိုက်ထိုခရိုင်တာဝန်ခံ၊ မြို့နယ်တာဝန်ခံတို့သည် မိတ်ဖက်ဌာနများနှင့် ပူးပေါင်း၍ ကျိုက်ထို မြို့ပေါ်ရှိ လက်ကိုင်ဖုန်းနှင့်ဆက်စပ်ပစ္စည်းအရောင်းဆိုင်များသို့ ကွင်းဆင်းစစ်ဆေးခဲ့ကြောင်း သိရသည်။

    ထိုသို့ ကွင်းဆင်းစစ်ဆေးရာတွင် ကျိုက်ထိုခရိုင်တာဝန်ခံ ဦးအောင်ကျော်မင်းက လက်ကိုင်ဖုန်းနှင့် ဆက်စပ်ပစ္စည်းအရောင်းဆိုင်ပိုင်ရှင်များနှင့်ဝန်ထမ်းများအား မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ် ၂/၂၀၁၉ ပါ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ လက်ကိုင်ဖုန်းနှင့်ဆက်စပ်ပစ္စည်းများတွင် မြန်မာဘာသာ ဖြင့်ကုန်အညွှန်းအမှတ်အသားပြည့်စုံစွာဖော်ပြရန်၊ ကျိုက်ထိုမြို့‌ပေါ်ရှိ ရောင်းချလျက်ရှိသော လက်ကိုင်ဖုန်းနှင့်ဆက်စပ်ပစ္စည်းအရောင်းဆိုင်များဖြစ်သော မမြတ်စုပိုင်၊ ဦးမျိုးမင်းခန့်၊ ဦးမောင်မောင်အေး၊ ဦးရဲရင့်ကျော်၊ မမြတ်နိုးအေး၊ ဦးလှဝင်းထွန်း၊ ဦးမျိုးလင်းထွန်းတို့ဆိုင်များအား အသိပညာပေးကွင်းဆင်းဆောင်ရွက်ခဲ့ကြောင်းနှင့် လက်ကမ်းစာစောင်များ ဝေငှပြီး သိရှိလိုက်နာဆောင်ရွက်သွားမည်ဖြစ်ကြောင်းနှင့် လိုက်နာမှုမရှိပါက အရေးယူခံရမည်ဖြစ်ကြောင်း စီးပွားရေးလုပ်ငန်းရှင်များအား လက်မှတ်ရေးထိုးဆောင်ရွက်ခဲ့ကြောင်း သိရှိရပါသည်။

DOCA (မွန်)