ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်အတွင်းရှိ ဆေးဆိုင်များတွင် ဆေးဝါး များ ပြတ်လပ်မှုရှိ/မရှိနှင့် ဆေးဝါးများ၏ဈေးနှုန်းအခြေအနေအားတို့အား ဧပြီလ (၉)ရက်နေ့၊ နံနက် (၀၉:၀၀)နာရီအချိန်တွင် စည်ပင်သာယာမြို့မဈေး အတွင်း/အပြင်ရှိ ဆေးဆိုင်များသို့ ကွင်းဆင်း စစ်ဆေးခဲ့ကြောင်း သိရသည်။
ထိုသို့ ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာန၊ တောင်ပိုင်းးခရိုင် ရန်ကုန်တိုင်း ဒေသကြီးဦးစီးမှူးရုံး၏ ညွှန်ကြားမှုနှင့်အညီ ပြည်တွင်း၌စားနပ်ရိက္ခာဖူလုံစေရေး၊ အခြေခံစား ကုန်များ ဈေးနှုန်းတည်ငြိမ်စေရေးနှင့် ဈေးကွက်အတွင်း ဆေးဝါးများပစ္စည်း ပြတ်လပ်မှုမရှိစေရေး တို့ကို အလေးထား ဆောင်ရွက်လျှက်ရှိရာ မြို့နယ်ကျန်းမာရေးဦးစီးဌာန၊ မြို့နယ်စည်ပင် သာယာရေး အဖွဲ့နှင့် မြို့နယ်စားသုံးသူရေးရာဦးစီးဌာနတို့ မိတ်ဖက်ဌာနမှ တာဝန်ရှိသူတို့ ပူးပေါင်း၍ စည်ပင် သာယာမြို့မဈေး အတွင်း/အပြင်ရှိ ဆေးဆိုင်များတွင် စားသုံးသူပြည်သူများ အနေဖြင့် အသုံးများသည့် ဆေးဝါးများဖြစ်သော အားဆေး၊ သွေးကျဆေး၊ အကိုက်အခဲပျောက်ဆေး၊ အာရုံကြောဆေး၊ သန္ဓေတားဆေး၊ သွေးကျဲဆေး၊ လေဆေး၊ ရင်ကြပ်ပျောက်ဆေး၊ ရှုဆေး၊ ဝမ်းပိတ်ဆေး စသည့် လူသုံးများသောဆေးဝါးများ စာရင်းအား ကောက်ယူ၍ ပစ္စည်းပြတ်လပ်မှု ရှိ/မရှိနှင့် သက်တမ်းကုန်လွန်သော ဆေးဝါးများ ရောင်းချခြင်းရှိ/မရှိတို့အား ဆေးဆိုင်ပိုင်ရှင် လုပ်ငန်းရှင်များအား မေးမြန်းပြီး အသိပညာပေး ကွင်းဆင်းစစ်ဆေးခဲ့ကြောင်း သိရသည်။
DOCA(ရန်ကုန်)