“ဆန်ကြိတ်ခွဲထုတ်လုပ်ခြင်းလုပ်ငန်းအကြောင့်ပတ်ဝန်းကျင်နေအိမ်များထိခိုက်မှုအပေါ် တိုင်ကြားခံရသူအားသက်ဆိုင်ရာဌာနများမှတွေ့ဆုံဆွေးနွေး”

   ရန်ကုန်တိုင်းဒေသကြီး၊ ကော့မှူးမြို့နယ် အထွေထွေအုပ်ချုပ်ရေးဦးစီးဌာန မြို့နယ် အုပ်ချုပ်ရေးမှူး၏ ရုံးခန်းမတွင်  ဧပြီလ (၁၁)ရက်နေ့၊ ညနေ (၁၄:၀၀)နာရီအချိန်တွင် ကော့မှူး မြို့နယ် သမင်ခြံကျေးရွာအုပ်စုရှိ လွင်အောင်ဟိဏ်း ဆန်စက်အနေဖြင့် စပါးကြိတ်ခွဲထုတ်လုပ် လည်ပတ်ခြင်းကြောင့် အမှုန်အမွှားများ ထွက်ရှိခြင်း၊ အနံ့အသက်ဆိုးများထွက်ရှိခြင်း၊ အသံ ဆူညံမှုများဖြစ်ပေါ်ခြင်းများကြောင့် ပတ်ဝန်းကျင်နေအိမ်များ ထိခိုက်မှုအပေါ် တိုင်ကြားခံရမှု အပေါ် တိုင်ကြားခံရသူ ဦးလွင်သောင်းအား သက်ဆိုင်ရာဌာနဆိုင်ရာများနှင့် ခေါ်ယူတွေ့ဆုံ ဆွေးနွေးခဲ့ကြောင်း သိရသည်။

       ထိုသို့ ခေါ်ယူဆွေးနွေးခဲ့ရာတွင် ကော့မှူးမြို့နယ် အထွေထွေအုပ်ချုပ်ရေးမှူး ဦးစီးဌာနမှ မြို့နယ်အုပ်ချုပ်ရေးမှူးနှင့် တာဝန်ရှိသူများ၊ စားသုံးသူရေးရာဦးစီးဌာနမှ မြို့နယ်တာဝန်ခံ၊ မြို့နယ် ကျေးလက်ဖွံ့ဖြိုးရေးဦးစီးဌာနမှ မြို့နယ်ဦးစီးမှူး၊ စိုက်ပျိုးရေးဦးစီးဌာနမှ မြို့နယ် ဦးစီးမှူး၊ သမင်ခြံ ကျေးရွာအုပ်ချုပ်ရေးမှူးတို့သည် တိုင်ကြားခံရသူ ဦးလွင်သောင်းအနေဖြင့် တိုင်ကြားထားသည့် ပတ်ဝန်းကျင်ထိခိုက်မှုများဖြစ်သော အနံ့အသက်ဆိုးများ ထွက်ရှိများအား သက်သာစေမည့်နည်းလမ်းများ၊ အသံများဆူညံမှုများ မဖြစ်ပေါ်စေရန် ဆန်စက်အင်ဂျင်နှင့် ဆန်စက်မှထွက်ရှိလာသည့် ဆူညံသည့်အသံများအား သက်သာစေမည့် နည်းလမ်းများ၊ ဆန်စက် မှ ထွက်ရှိလာသည့် အမှုန်အမွှားများ အား ပတ်ဝန်းကျင် ထိခိုက်မှုမရှိစေရေး ဆောင်ရွက်ရမည့် နည်းလမ်းများအား သက်ဆိုင်ရာဌာနများမှ တာဝန်ရှိသူများက အကြံပြုဆွေးနွေးပေးခဲ့ကြောင်း တိုင်ကြားခံရသူအနေဖြင့်လည်း မြို့နယ်တာဝန်ရှိသူများ၏ မြေပြင်ကွင်းဆင်း စစ်ဆေးမှု အခြေအနေ သုံးသပ်ချက်များအရ အကြံပြုဆွေးနွေးပေးသောအချက်များအား မိမိအနေဖြင့် သိရှိလိုက်နာဆောင်ရွက်ပေးသွားမည် ဖြစ်ကြောင်း ဝန်ခံကတိ လက်မှတ်ရေးထိုးခဲ့ကြောင်း သိရသည်။

DOCA(ရန်ကုန်)