စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန ၊မုံရွာခရိုင်ဦးစီးမှူးနှင့် မုံရွာမြို့နယ်တာဝန်ခံ တို့သည် (၆.၇.၂၀၂၂)ရက်နေ့တွင် ခရိုင်ဆီကုန်သည်နှင့် ဆီလုပ်ငန်းရှင်အဖွဲ့ဝင်ဖြစ်သော စက်မှုဇုံရပ်ကွက်ရှိ ဦးစိန်လွင် စားအုန်းဆီပွဲရုံသို့ သွားရောက်၍ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနနှင့် မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်းတို့ ပူးပေါင်းစီစဉ်ဆောင်ရွက်ပေးမှုဖြင့် ရောင်းချလျက်ရှိသော စားအုန်းဆီများအား သတ်မှတ်ဈေးနှုန်းများအတိုင်း ရောင်းချခြင်း ရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။
ထိုသို့စစ်ဆေးရာတွင် ခရိုင်ဦးစီးမှူးက စားအုန်းဆီရောင်းချသောလုပ်ငန်းရှင်အား ယခုရောင်းချခွင့်ရရှိသော စားအုန်းဆီများကို ဝယ်ယူလာသည့်ရက်ရှိ လက်ကားရည်ညွှန်းဈေးအပေါ် အသားတင်အမြတ်(၂%)ထပ် မပိုသော ဈေးနှုန်းဖြင့်ရောင်းချပေးရန်၊ ရောင်းချရာတွင်လည်း ခရိုင်အသင်းခွဲများအနေဖြင့် မိမိတို့အသင်းဝင်များအား ဦးစားပေးဖြန့်ဖြူးသွားရန်၊ ဖြန့်ဖြူးပြီးပါက ရောင်းချဖြန့်ဖြူးပေးသည့် အမည်နှင့်တကွ အသေးစိတ်စာရင်းများကို စားသုံးသူရေးရာဦးစီးဌာနသို့ ပြန်လည်တင်ပြရန် ဆွေးနွေးပြောကြားခဲ့ကြောင်း သတင်းရရှိပါသည်။
DOCA(စစ်ကိုင်း)