စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံး၊ တိုက်ကြီးမြို့နယ်ခွဲရုံးမှ တာဝန်ခံပါ(၂) ဦးတို့သည် ၂၈.၄.၂၀၂၅ ရက်နေ့ နံနက်(၁၁:၀၀)နာရီအချိန်တွင် တိုက်ကြီးမြို့နယ်၊ ရှမ်းစုရပ်ကွက်ရှိ စားသုံးသူပြည်သူများအား စားသုံးသူကာကွယ်ရေးအသိပညာပေး ဟောပြောခြင်းများ ဆောင်ရွက်ခဲ့ ပါသည်။
ထိုသို့ဟောပြောပွဲဆောင်ရွက်ရာတွင် ဒေါ်တင်တင်ဌေး၊ ရုံးအုပ်က စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန၏ ရည်ရွယ်ချက်များနှင့်လုပ်ငန်းဆောင်ရွက်မှုများအကြောင်း၊ ကုန် အညွှန်းအမှတ်အသားများအကြောင်း၊ အွန်လိုင်းစနစ်ဖြင့် ကုန်စည်ဝန်ဆောင်မှုများကို ဝယ်ယူရာတွင် အွန်လိုင်းမှတ်ပုံတင်ပြီးသော လုပ်ငန်းများကို စိစစ်၍ ဝယ်ယူကြရန် အကျယ်တဝင့်ရှင်းလင်းပြော ကြားခဲ့ပြီး ဦးရှင်းခန့်ကိုကို၊ အကြီးတန်းစာရေးက စားသုံးသူအခွင့်အရေးနှင့်တာဝန်များအကြောင်း၊ စားသုံးသူအခွင့်အရေးထိခိုက်နစ်နာမှုရှိပါက စားသုံးသူပြည်သူများက မေးမြန်းစုံစမ်းလာသည့်သတင်း အချက်အလက်များကို ပြန်လည်ဖြေကြားနိုင်ရန်နှင့် တိုင်ကြားမှုများကို လက်ခံနိုင်ရန် ရည်ရွယ်၍ စားသုံးသူများ သိလိုသည်များကို Consumer Call Center 1535 ကို ဆက်သွယ်၍ မေးမြန်းနိုင် ကြောင်း အသိပညာပေးဆောင်ရွက်ခဲ့ပါသည်။
DOCA(ရန်ကုန်)