“မြန်မာအမျိုးသမီးများနေ့” အထိမ်းအမှတ် သစ်ပင်စိုက်ပျိုးပွဲတော် အခမ်းအနားသို့ မွန်ပြည်နယ် ဝန်ကြီးချုပ်တက်ရောက်

            ၂၀၂၂ ခုနှစ်၊ ဇူလိုင်လ ၃ ရက်နေ့တွင် ကျရောက်သော မြန်မာအမျိုးသမီးများနေ့ အထိမ်းအမှတ်အနေဖြင့် မွန်ပြည်နယ်၊ မိုးရာသီသစ်ပင်စိုက်ပျိုးပွဲတော်ကို ၂၀၂၂ ခုနှစ်၊ ဇူလိုင်လ ၃ ရက်နေ့ နံနက် ၈ နာရီခန့်တွင် မွန်ပြည်နယ် အားကစားနှင့် ကာယပညာသိပ္ပံကျောင်းဝင်းအတွင်း၌ ကျင်းပခဲ့သည့် အခမ်းအနားကို မွန်ပြည်နယ်ဝန်ကြီးချုပ် ဦး‌ဇော်လင်းထွန်းနှင့် ဇနီး ဒေါ်စန်းစန်းလွင် တက်ရောက်ခဲ့ကြောင်း သိရှိရပါသည်။ အခမ်းအနားတွင် သဘာဝပတ်ဝန်းကျင်စိမ်းလန်းစိုပြေစေရန် ရည်ရွယ်၍ မွန်ပြည်နယ်ဝန်ကြီးချုပ်၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်သယံဇာတရေးရာဝန်ကြီးနှင့် ပြည်နယ်အစိုးရအဖွဲ့ဝင်ဝန်ကြီးများ၊ မွန်ပြည်နယ် အမျိုးသမီးရေးရာအဖွဲ့နှင့် ပြည်နယ်မိခင်နှင့်ကလေးစောင့်ရှောက်ရေးကြီးကြပ်မှုအဖွဲ့တို့မှ ဥက္ကဌ၊ အတွင်းရေးမှူးနှင့် အဖွဲ့ဝင်၊ အသင်းဝင်များ၊ ပြည်နယ်/ခရိုင်/မြို့နယ်အဆင့် ဌာနဆိုင်ရာ ဝန်ထမ်းများက ကြီးထွားရှင်သန်ရန် အကောင်းဆုံးအရွယ်ရှိသည့် ခရေ၊ ကံ့ကော်၊ ပျဉ်းမ၊ ငုရွှေဝါ၊ ကျွန်း၊ ရေတမာ၊ စိန်ပန်း အစရှိသော သစ်ပင်ပေါင်း (၇၀၀) ပင်အား စုပေါင်းပါဝင် စိုက်ပျိုးခဲ့ကြပါသည်။ ယင်းနောက် ပြည်နယ်ဝန်ကြီးချုပ်အဖွဲ့သည် မြန်မာအမျိုးသမီးများနေ့ အထိမ်းအမှတ် စုပေါင်းသစ်ပင်စိုက်ပျိုးခြင်းအား လှည့်လည်ကြည့်ရှုအားပေးခဲ့ပြီး ုးပေါင်း မှတ်တမ်းတင်ဓာတ်ပုံ ရိုက်ကူးပြီး အခမ်းအနားကို ရုတ်သိမ်းခဲ့ကြောင်း သိရှိရပါသည်။

DOCA(မွန်)